ডিমা হাছাও, 21 জানুৱাৰীঃ গণৰাজ্য দিৱসৰ প্ৰাকক্ষণত ডিমা হাছাও জিলাৰ মাইবাং চহৰত গুলিসহ উদ্ধাৰ পিষ্টল ৷ সোমবাৰে নিশাৰ ভাগত এখন অটোৰিক্সাৰ পৰা আৰক্ষীয়ে উদ্ধাৰ কৰে তিনিজাঁই সজীৱ গুলিসহ এটা 7.65 পিষ্টল ৷
মাইবাং আৰক্ষীয়ে জানিবলৈ দিয়া অনুসৰি, সোমবাৰে নিশাৰ ভাগত চলোৱা অভিযানৰ সময়তে এইদৰে অটোৰিক্সাৰ পৰা উদ্ধাৰ হয় পিষ্টলটো ৷ আনহাতে আন্ধাৰৰ সুযোগ লৈ আৰক্ষীৰ হাতৰ পৰা পলায়ন কৰে অটোৰিক্সাখনত অহা দুষ্কৃতিকাৰীজন ৷ হাতত AK47 লৈ পলায়ন কৰা বুলি আৰক্ষীয়ে জনায় ইটিভি ভাৰতক ৷ অৱশ্যে আৰক্ষীয়ে অটোৰিক্সাখন জব্দ কৰাৰ লগতে চালকগৰাকীক আটক কৰিছে ৷ আনহাতে পলায়ন কৰা দুষ্কৃতিকাৰীজনৰ সন্ধানত আৰক্ষীয়ে অভিযান অব্যাহত ৰাখিছে ৷
লগতে পঢ়কঃ মৰাণত আদিবাসী বিদ্ৰোহী সংগঠন 'আনলা'ৰ দুই দুৰ্ধৰ্ষ সদস্য গ্ৰেপ্তাৰ
