নলবাৰী, 19 ডিচেম্বৰ : অৱশেষত আৰক্ষীয়ে গ্ৰেপ্তাৰ কৰিবলৈ সক্ষম হ'ল নলবাৰীৰ বেংক ডকাইতিৰ বৃহৎ গেঙক ৷ গ্ৰেপ্তাৰ কৰা দলটোৱে আৰক্ষীৰ ওচৰত এফালৰ পৰা প্ৰদৰ্শন কৰি গল ডকাইতি কাণ্ডৰ বিৱৰণ ৷
উল্লেখ্য যে, 21 নৱেম্বৰত নলবাৰী জিলাৰ অমিয়াপুৰস্থিত পাঞ্জাৱ নেচনেল বেংকত ডকাইতি কাণ্ড সংঘটিত হৈছিল ৷ দিন দুপৰতে বেংকটোৰ পৰা প্ৰায় 50 লাখ টকা লুটপাত কৰিছিল এটা বৃহৎ দলে ৷ ঘটনাৰ পিচতে নলবাৰী আৰক্ষীয়ে তদন্ত আৰম্ভ কৰি গ্ৰেপ্তাৰ কৰিবলৈ সক্ষম হৈছে বৃহৎ ডকাইতৰ দলটোক ৷
শনিবাৰে নলবাৰী আৰক্ষীয়ে গ্ৰেপ্তাৰ কৰা দলটোৱে আৰক্ষীৰ ওচৰত কেনেকৈ ডকাইতি কাণ্ড সংঘটিত কৰিছিল তাৰ সমস্ত বিৱৰণ দি গল এফালৰ পৰা ৷ আনহাতে, ঘটনাৰ এমাহৰ পিচতে নলবাৰী আৰক্ষীয়ে ঘটনাৰ লগত জড়িত দলটোক গ্ৰেপ্তাৰ কৰাৰ বাবে স্থানীয় ৰাইজে নলবাৰী আৰক্ষীক ধন্যবাদ জ্ঞাপন কৰিছে ৷
লগতে পঢ়ক : AUS বনাম IND প্ৰথম টেষ্ট : টেষ্ট ক্ৰিকেটৰ ইতিহাসত সৰ্বনিম্ন ৰাণ ভাৰতৰ
