বাক্সা, 20 মে': বাক্সাৰ কুমাৰীকাটা আৰক্ষী চকীৰ অন্তৰ্গত অভয়পুৰ গাঁৱত দেওবাৰে নিশা স্বামীৰ খুকুৰীৰ ঘাপত প্ৰাণ গ'ল পত্নীৰ । ধনঞ্জয় মণ্ডল(৪০) নামৰ লোক জনে পত্নী দিপালী মণ্ডলক(৩৫) নিশা প্ৰায় ১১:৪৫ মান বজাত শোৱা পাতিতে ডিঙিত খুকুৰীৰে ৰেপী হত্যা কৰে । পাৰিবাৰিক কণ্ডলৰ ফলতে ধনঞ্জয় মণ্ডলে পত্নীক হত্যা কৰাৰ সন্দেহ স্থানীয় ৰাইজৰ ।
উল্লেখ্য যে, ঘটনা সংঘটিত কৰি হত্যাকাৰী ধনঞ্জয়ে কুমাৰীকাটা আৰক্ষী চকীত আত্মসমৰ্পণ কৰে । ইতিমধ্যে ঘটনাস্থলীত কুমাৰীকাটা আৰক্ষী চকীৰ এটা দল উপস্থিত হৈ অব্যাহত ৰাখিছে তদন্ত ৷