শিৱসাগৰ, 14 জুন : শিৱসাগৰৰ তিনি চিকিৎসকৰ বিৰুদ্ধে শিৱসাগৰ সদৰ থানাত দাখিল কৰা হয় এজাহাৰ । মুন্না বাছফৰ নামৰ এগৰাকী ব্যক্তিয়ে চিকিৎসক গিৰিৰাজ শৰ্মা, মুকুন্দ ৰাভা আৰু ললিত বৰাৰ বিৰুদ্ধে দাখিল কৰিছে এই এজাহাৰ ।
অভিযোগ অনুসৰি, মুন্না বাছফৰ নামৰ ব্যক্তিগৰাকীৰ পত্নী মুন্নী বাছফৰৰ চিকিৎসাৰ নামত তিনি চিকিৎসকে প্ৰবঞ্চনাৰে ভুল চিকিৎসা কৰি ৰোগীক গিনিপিগ সজোৱাৰ লগতে এতিয়া মৃত্যুৰ সৈতে যুঁজি আছে মুন্নী বাছফৰ ৷ যাৰ বাবে চিকিৎসক তিনিজনৰ বিৰুদ্ধে এইদৰে সদৰ থানা মুন্না বাছফৰে দাখিল কৰে এজাহাৰ । তিনিও চিকিৎসকৰ গাফিলতিৰ বাবে এতিয়া বিচনাত জীৱন মৃত্যুৰ মাজত যুঁজি আছে মুন্নী বাছফৰে । মুন্নী বাছফৰৰ চিকিৎসাৰ নামত সৰ্বহাৰা হোৱা পৰিয়ালটোৰ হাতত সম্প্ৰতি এটা ফুটা কড়িও নাই বুলি জানিব পৰা গৈছে । ৰোগীৰ জীৱনৰ সৈতে হেতালি খেলা তিনিও চিকিৎসকৰ বিৰুদ্ধে অৱশেষত এইদৰে এজাহাৰ দাখিল কৰা হয় ।
শৰ্মা নাৰ্ছিং হোমত কৰ্মৰত চিকিৎসককেইজৰ বিৰুদ্ধে নাৰ্ছিং হোম কৰ্তৃপক্ষই এই অভিযোগ নাকচ কৰি ৰোগীক প্ৰদান কৰিবলগীয়া সকলো চিকিৎসা প্ৰদান কৰাৰ দাবী কৰিছে । চিকিৎসালয় আৰু চিকিৎসকৰ কোনো গাফিলতি হোৱা নাই বুলিও দাবী কৰিছে চিকিৎসালয় কৰ্তৃপক্ষই ।
লগতে পঢ়কঃ নাওবৈচাৰ বৰগলা প্ৰাথমিক স্বাস্থ্য কেন্দ্ৰত চিকিৎসকৰ অনুপস্থিতিৰ অভিযোগ
