গুৱাহাটী ৰে'লৱে ষ্টেচনত সোণসহ গ্ৰেপ্তাৰ এজন

নামনিমুৱা ৰাজধানী এক্সপ্ৰেছৰ পৰা 665 গ্ৰাম ওজনৰ সোণৰ চাৰিখন বিস্কুট জব্দ ৷ উক্ত সোণৰ বিস্কুট কেইখন ডিব্ৰুগড়ৰ পৰা দিল্লীলৈ লৈ যোৱা হৈছিল ।

গুৱাহাটী, 4 নবেম্বৰ: সোমাবাৰে পুৱা গুৱাহাটী ৰে'ল আৰক্ষীয়ে নিয়মীয়া তালাচী অভিযানত জব্দ হয় সোণৰ বিস্কুট ৷ ডিব্ৰুগড়ৰ পৰা দিল্লীলৈ যোৱা নামনিমুৱা ৰাজধানী এক্সপ্ৰেছৰ A-4ডবাৰ চাৰি নম্বৰ চিটৰ তলৰ উদ্ধাৰ কৰা হয় সোণখিনি ৷ টাছবিৰ সিং নামৰ হাৰিয়ানাৰ যুৱকজনৰ পৰা 665 গ্ৰাম ওজনৰ সোণৰ চাৰিখন বিস্কুট জব্দ কৰে । জব্দ কৰা সোণৰ বিস্কুটৰ মূল্য প্ৰায় 24 লাখ টকা । ৰে'ল আৰক্ষীয়ে জানিবলৈ দিয়া মতে উক্ত সোণৰ বিস্কুট কেইখন ডিব্ৰুগড়ৰ পৰা দিল্লীলৈ লৈ যোৱা হৈছিল ।
আনহাতে গ্ৰেপ্তাৰ হোৱা সৰবৰাহকাৰীয়ে কয় যে, সোণৰ বিস্কুটখিনি দিল্লীৰ পৰা ডিমাপুৰলৈ বিক্ৰীৰ বাবে লৈ অনা হৈছিল । সোণৰ দাম কম লাভ কৰাৰ বাবেই ডিমাপুৰৰ পৰা দিল্লীলৈ ঘূৰাই লৈ গৈ আছিল বিস্কুটখিনি । এই সম্পৰ্কে ৰেল আৰক্ষীয়ে গোচৰ ৰুজু কৰি তদন্ত আৰম্ভ কৰিছে ।

ইয়াৰ পূৰ্বেও গুৱাহাটী ৰেল আৰক্ষীয়ে বহু নিচাযুক্ত সামগ্ৰী, সোণ আদি জব্দ কৰিছে । ইয়াৰ দ্বাৰাই প্ৰমাণ হয় যে, বৰ্তমানেও ৰে'ল যোগে অবৈধ সৰবৰাহ অব্যাহত আছে ।

লগতে পঢ়ক: "পথাৰ শিল্পী" লোহিত গগৈয়ে কি কৰিছে দোকানে দোকানে ?