ডিব্ৰুগড়, 9 নৱেম্বৰ: ডিব্ৰগড়ত পুনৰ সংঘটিত হৈছে এক লোমহৰ্ষক হত্যাকাণ্ড ৷ প্ৰাপ্য ধন আদায় নিদিয়াৰ ফলস্বৰূপে ভাইজান গগৈ নামৰ এজন যুৱকক হানি-খুচি হত্যা কৰিলে প্ৰমোদ গগৈ ওৰফে নেপালী নামৰ এজন ব্যক্তিয়ে ৷ ইফালে হত্যাকাণ্ড সংঘটিত কৰিয়েই বগীবিল আইথানত আত্মসমৰ্পণ কৰে হত্যাকাৰী প্ৰমোদ গগৈয়ে ৷ আৰক্ষীৰ জেৰাত হত্যাকাৰী "নেপালীয়ে" ধনৰ লেন-দেনৰ বাবেই হত্যাকাণ্ড সংঘটিত কৰা বুলি ইতিমধ্যে স্বীকাৰ কৰিছে ৷ এই ঘটনা লৈ সমগ্ৰ বগীবিল অঞ্চলতে চাঞ্চল্যৰ সৃষ্টি হৈছে ৷
ডিব্ৰুগড়ত লোমহৰ্ষক হত্যাকাণ্ড : এজনক হানি-খুচি হত্যা
