ছয়গাঁৱত উদ্ধাৰ দুবছৰ পূৰ্বে চুৰি হোৱা বাইক

ছয়গাঁও আৰক্ষীয়ে এক বিশেষ অভিযানৰ নেতৃত্ব দি দুবছৰ পূৰ্বে চুৰি হোৱা এখন বাইক উদ্ধাৰ কৰিবলৈ সক্ষম হয় ৷ ঘটনাৰ সৈতে জড়িত থকাৰ অভিযোগত এগৰাকীক আটক কৰে আৰক্ষীয়ে ৷

ছয়গাঁও, 4 জুলাই : ছয়গাঁও আৰক্ষীৰ বিশেষ সফলতা ৷ দুবছৰ পূৰ্বে গোৱালপাৰাৰ পৰা চুৰি হোৱা বাইক উদ্ধাৰ কৰিবলৈ সক্ষম হয় আৰক্ষীয়ে ৷ শুকুৰবাৰে নিশাৰ ভাগত গোপন সূত্ৰৰ পৰা লাভ কৰা খবৰৰ ভিত্তিত আৰক্ষীয়ে চুৰি বাইকসহ আটক কৰে এগৰাকী চোৰক ৷

জানিব পৰা অনুসৰি, দুবছৰ পূৰ্বে গোৱালপাৰাৰ পৰা চুৰি হোৱা এখন গ্লেমাৰ বাইক ছয়গাঁও অঞ্চলত চলাই আছিল হবিবুৰ ৰহমান নামৰ চোৰটোৱে ৷ আৰক্ষীয়ে হবিবুৰ ৰহমানৰ লগতে AS 25 C 3013 পঞ্জীয়নভুক্ত ভুৱা নম্বৰযুক্ত বাইকখন জব্দ কৰিবলৈ সক্ষম হয় ৷ আৰক্ষীয়ে ইতিমধ্যে চোৰ হবিবুৰ ৰহমানক আটক কৰি আদালতলৈ প্ৰেৰণ কৰিছে ৷

লগতে পঢ়কঃ ৰাজ্যত বানত মৃত্যু 35 জনৰ