ইণ্টাৰনেচনেল ডেস্ক, ১২ জানুৱাৰী : শ্ৰীলংকাৰ কেন্দ্ৰীয় বেংকে (Sri Lanka central bank) 'আমাৰ দায়বদ্ধতা পৰিশোধ কৰাত আমাক সহায় কৰিবলৈ' যিমান সম্ভৱ সোনকালে তেওঁলোকৰ ঋণ হ্ৰাস কৰিবলৈ সন্মত হ'বলৈ ভাৰত আৰু চীনক আহ্বান জনাইছে । বুধবাৰে নিশা বিবিচিৰ সৈতে হোৱা বাৰ্তালাপত শ্ৰীলংকা কেন্দ্ৰীয় বেংকৰ গৱৰ্ণৰ পি নন্দলাল বীৰাসিংহেই কয়, "তেওঁলোকে যিমান সোনকালে আমাক বিত্তীয় আশ্বাস দিব, সিমানেই দুয়োটা পক্ষৰ বাবে, ঋণদাতা হিচাপে আৰু ঋণগ্ৰাহক হিচাপে ভাল হ'ব । ই আমাক তেওঁলোকৰ প্ৰতি থকা দায়বদ্ধতা পৰিশোধ কৰা প্ৰক্ৰিয়া আৰম্ভ কৰাত সহায় কৰিব (Sri Lanka Economic Crisis) ।"
"আমি এনে পৰিস্থিতিত থাকিব নিবিচাৰোঁ, বেছি দিনলৈকে দায়বদ্ধতা পূৰণ নকৰাকৈ থাকিব নিবিচাৰোঁ । এইটো আমাৰ বাবে ভাল নহয় । শ্ৰীলংকাই বৰ্তমান ১৯৪৮ চনত স্বাধীনতাৰ পিছত ইয়াৰ আটাইতকৈ বেয়া অৰ্থনৈতিক সংকটৰ মাজেৰে গৈ আছে । দেশখনে ঋণ পৰিশোধৰ ওপৰত ৰেহাই আৰু 2.9 বিলিয়ন ডলাৰৰ বেলআউটৰ বিষয়ে আলোচনা কৰিছে (India debt to Srilanka) । কিন্তু ভাৰত আৰু চীনে প্ৰথমে শ্ৰীলংকাৰ বিলিয়ন ডলাৰৰ ঋণ হ্ৰাস কৰিবলৈ সন্মত নোহোৱালৈকে আন্তৰ্জাতিক মুদ্ৰা নিধিয়ে (International Monetary Fund, IMF) পুঁজি মুকলি নকৰে ।" তেওঁ লগতে কয় ।
