German woman killed by Hamas : হামাছৰ সন্ত্ৰাসবাদীয়ে হত্যা কৰি থু পেলোৱা জাৰ্মান মহিলাক চিনাক্ত সম্পৰ্কীয় ভগ্নীৰ

ছ'চিয়েল মিডিয়াৰ দৃশ্যসমূহত হামাছৰ বাহনখনৰ চাৰিওফালে চিঞৰ বাখৰ কৰা জনতাৰ কান্দোন দেখুওৱা হৈছে । সন্ত্ৰাসবাদীৰ এটা দলে এগৰাকী মহিলাৰ শৰীৰত থু পেলোৱা দেখা গৈছে । হামাছে প্ৰথমতে কৈছিল যে মৃতদেহটো এগৰাকী মহিলা ইজৰাইলী সৈনিকৰ আছিল ।

ইন্টাৰনেশ্যনেল ডেস্ক, 8 অক্টোবৰ : ইজৰাইল-গাজা সংঘাতৰ মাজতে ছ’চিয়েল মিডিয়াত এখন ট্ৰাকত উলংগ অৱস্থাত এগৰাকী যুৱতীৰ দৃশ্য দেখা পোৱা যায় ৷ যুৱতীগৰাকী উলংগ হৈ থকাৰ দৃশ্য দেখা গৈছিল যেতিয়া হামাছে তেওঁলৈ বন্দুক টোঁৱাই আছিল ৷ এই দৃশ্য সামাজিক মাধ্যমত প্ৰকাশ পাইছিল ৷

কেইবাখনো ৰক্তাক্ত ছবিৰ ভিতৰত এই দুৰ্ভগীয়া মহিলাগৰাকীৰ ছবিয়ে আন এটা সন্ত্ৰাসবাদী সংগঠন হিজবুল্লাহৰ সৈতে ইজৰাইলৰ বিৰুদ্ধে যুদ্ধ চলাই অহা হামাছৰ নিষ্ঠুৰতাৰ কাহিনী কয় ৷ ছ'চিয়েল মিডিয়াৰ দৃশ্যসমূহত হামাছৰ বাহনখনৰ চাৰিওফালে চিঞৰ বাখৰ কৰা জনতাৰ কান্দোন দেখুওৱা হৈছে ৷ সন্ত্ৰাসবাদীৰ এটা দলে মহিলাগৰাকীৰ শৰীৰত থু পেলোৱা দেখা গৈছে ৷ হামাছে প্ৰথমতে কৈছিল যে মৃতদেহটো এগৰাকী মহিলা ইজৰাইলী সৈনিকৰ আছিল ৷

অৱশ্যে, আদি লৌক নামৰ এগৰাকী জাৰ্মান মহিলাই এক্সত নিশ্চিত কৰিছে যে ভিডিঅ'টোত দেখা পোৱা যুৱতীগৰাকী তেওঁৰ ভগ্নী, এগৰাকী জাৰ্মান নাগৰিক আৰু এগৰাকী টেটু শিল্পী শ্বানী লৌক বুলি প্ৰকাশ কৰিছে ইজৰাইলী সংবাদ মাধ্যমে ৷ শ্বানী লৌকৰ মাতৃয়ে এক্স-ত পোষ্ট কৰা এটা ভিডিঅ' বাৰ্তাত তেওঁৰ কন্যাৰ পৰিচয় নিশ্চিত কৰিছে আৰু তেওঁৰ অৱস্থান সম্পৰ্কে অধিক তথ্যৰ বাবে লোকসকলক আহ্বান জনাইছে ৷

শ্বানীৰ এজন সম্পৰ্কীয় ভাতৃৰ মতে, শনিবাৰে পুৱা উগ্ৰপন্থীয়ে মুকলি আকাশৰ নিয়ন্ত্ৰণ লোৱাৰ পিছত ভুক্তভোগী যুৱতীগৰাকী সন্ধানহীন হৈ আছিল বুলি জানিব পৰা গৈছে ৷ শ্বানীৰ সম্পৰ্কীয় ভাতৃ টমাচিনা ৱেইণ্ট্ৰাউব-লুকে কৈছিল, "এয়া নিশ্চিতভাৱে শ্বানী ৷ তেওঁ শান্তিৰ বাবে এটা সংগীত উৎসৱত অংশ্ৰগ্ৰহণ কৰিছিল ৷ এইটো আমাৰ পৰিয়ালৰ বাবে এটা দুঃস্বপ্ন ৷ সংগীত মহোৎসৱটো হামাছ উগ্ৰপন্থীৰ দ্বাৰা আক্ৰমণ কৰা প্ৰথম স্থানসমূহৰ ভিতৰত এটা আছিল ৷’’

হামাছে হাজাৰ হাজাৰ ৰকেট নিক্ষেপ কৰিছিল আৰু গাজা ষ্ট্ৰিপৰ ওচৰৰ ইজৰাইলী চহৰসমূহলৈ ডজন ডজন যুঁজাৰু প্ৰেৰণ কৰিছিল ৷ আনকি হামাছৰ ৰকেট আৰু স্থল আক্ৰমণৰ ফলত হোৱা ক্ষতিৰ পৰিমাণ বৃদ্ধি পোৱাৰ পিছতে ইজৰাইলে ঘোষণা কৰিছিল যে উগ্ৰপন্থী সংগঠনটোৰ বিৰুদ্ধে "যুদ্ধ"ত আছে আৰু গাজাত বিমান আক্ৰমণ আৰম্ভ কৰিছিল আৰু ইয়াৰ "অভূতপূৰ্ব মূল্য" দিয়াৰ প্ৰতিশ্ৰুতি দিছিল ৷ ইজৰাইলে গাজা ষ্ট্ৰিপত হামাছৰ কেইবাটাও সন্দেহজনক আস্থানাত আঘাত কৰি "অপাৰেচন শ্বৱৰড অফ আইৰণ" আৰম্ভ কৰিছিল ৷

প্ৰধানমন্ত্ৰী বেঞ্জামিন নেতানেহুৱে কয় যে হামাছৰ আগ্ৰাসনৰ বিৰুদ্ধে ইজৰাইলৰ প্ৰত্যাক্ৰমণে উগ্ৰপন্থী সংগঠনটোৰ ওপৰত “ঠিক এক বৃহৎ মূল্য” দিব ৷ ইফালে, হামাছৰ মাৰাত্মক ৰকেট আৰু স্থলপথ আক্ৰমণৰ ফলত ভুক্তভোগীৰ সংখ্যা ৩০০ তকৈ অধিক বৃদ্ধি পোৱাৰ লগতে গাজা আৰু ইজৰাইলত আৰু ২০০০ লোক আহত হোৱাৰ বাতৰি পোৱা গৈছে বুলি দ্য টাইমছ অফ ইজৰাইলত প্ৰকাশ পাইছে ৷

লগতে পঢ়ক : Hamas attack on Israel : ইজৰাইলত হামাছৰ আক্ৰমণ, নিহতৰ সংখ্যা বৃদ্ধিৰ আশংকা