ইণ্টাৰনেশ্যনেল ডেস্ক, ১০ আগষ্ট : সমাগত ইকুৱেডৰৰ ৰাষ্ট্ৰপতি নিৰ্বাচন । তাৰ প্ৰাকক্ষণত দক্ষিণ আমেৰিকাৰ দেশখনত ভয়ংকৰ ঘটনা । নিৰ্বাচনী প্ৰচাৰৰ সময়ত ৰাষ্ট্ৰপতি পদৰ এগৰাকী প্ৰাৰ্থীক গুলীয়াই হত্যা দুৰ্বৃত্তৰ । দুৰ্নীতিৰ বিৰুদ্ধে প্ৰায়ে মাত মাতি আহিছিল ইকুৱেডৰৰ ৰাষ্ট্ৰপতি পদৰ প্ৰাৰ্থীজনে ।
ৰাষ্ট্ৰপতি গুইলাৰ্মো লাচোৱে ফাৰ্নাণ্ডো ভিলাভিচেঞ্চিঅ'ৰ হত্যাৰ কথা নিশ্চিত কৰিছে আৰু তেওঁৰ হত্যাৰ আঁৰত ষড়যন্ত্ৰ আছিল বুলি উল্লেখ কৰিছে । ২০ আগষ্টৰ ৰাষ্ট্ৰপতি নিৰ্বাচনৰ ভিলাভিচেঞ্চিঅ' ৮ গৰাকী প্ৰাৰ্থীৰ ভিতৰত অন্যতম আছিল ।
-
Indignado y consternado por el asesinato del candidato presidencial Fernando Villavicencio. Mi solidaridad y mis condolencias con su esposa y sus hijas. Por su memoria y por su lucha, les aseguro que este crimen no va a quedar impune.
— Guillermo Lasso (@LassoGuillermo) August 10, 2023 " class="align-text-top noRightClick twitterSection" data="
El Gabinete de Seguridad se reunirá en…
">Indignado y consternado por el asesinato del candidato presidencial Fernando Villavicencio. Mi solidaridad y mis condolencias con su esposa y sus hijas. Por su memoria y por su lucha, les aseguro que este crimen no va a quedar impune.
— Guillermo Lasso (@LassoGuillermo) August 10, 2023
El Gabinete de Seguridad se reunirá en…Indignado y consternado por el asesinato del candidato presidencial Fernando Villavicencio. Mi solidaridad y mis condolencias con su esposa y sus hijas. Por su memoria y por su lucha, les aseguro que este crimen no va a quedar impune.
— Guillermo Lasso (@LassoGuillermo) August 10, 2023
El Gabinete de Seguridad se reunirá en…
ৰাষ্ট্ৰপতি গুইলাৰ্মো লাচোৱে এক বিবৃতিত কয় যে, এই হত্যাৰ আঁৰত থকাসকলক কঠোৰ শাস্তি প্ৰদান কৰা হ'ব । আইনে হত্যাকাৰীক ৰেহাই নিদিব । ইকুৱেডৰত বৰ্ধিত হিংসাত্মক কাৰ্যকলাপ আৰু ড্ৰাগছ সৰবৰাহৰ ঘটনা বৃদ্ধি হৈছে । যাক লৈ তীব্ৰ উত্তেজনা অব্যাহত আছে । তেনে সময়তে এই ঘটনাটো সংঘটিত হোৱাত পুনৰ এবাৰ ইকুৱেডৰ কঁপি উঠিছে ।
সামাজিক মাধ্যমৰ ভিডিঅ'বোৰত প্ৰাৰ্থীজনক নিৰাপত্তা ৰক্ষীৰ বেষ্টনীত অনুষ্ঠানৰ পৰা ওলাই অহা দেখা গৈছে । ভিলাভিচেঞ্চিঅ'ক এখন বগা ট্ৰাকত প্ৰৱেশ কৰা দেখা গৈছে আৰু তাৰ পাছতে গুলীচালনা হোৱা দেখা গৈছে ।
উল্লেখ্য যে, ৫৯ বছৰীয়া ৰাজনীতিবিদগৰাকী বিল্ড ইকুৱেডৰ আন্দোলনৰ প্ৰাৰ্থী আছিল । ভিলাভিচেঞ্চিঅ'ৰ প্ৰচাৰ উপদেষ্টা পেট্ৰিচিঅ জুকুইলাণ্ডাই এছ'চিয়েটেড প্ৰেছক কোৱা মতে প্ৰাৰ্থীগৰাকীক গুলীচালনাৰ পূৰ্বে তেওঁ মৃত্যুৰ ভাবুকি লাভ কৰিছিল । যিটো তেওঁ কৰ্তৃপক্ষক অৱগত কৰিছিল । প্ৰাৰম্ভিক খবৰ অনুসৰি গুলীচালনাৰ ঘটনাটোত আন কেইবাজনো লোক আহত হৈছে । ভিলাভিচেঞ্চিঅ' বিবাহিত আছিল আৰু তেওঁৰ ৫ টা সন্তান আছিল ।
ৰাষ্ট্ৰপতি পদৰ প্ৰাৰ্থীগৰাকীৰ এনে অকাল মৃত্যুক সহজভাৱে ল'ব পৰা নাই তেওঁৰ সমৰ্থকসকলে । তেওঁৰ দল আৰু সমৰ্থকসকলে হত্যাকাৰীক শীঘ্ৰে গ্ৰেপ্তাৰ কৰি শাস্তিৰ দাবী জনাইছে । ৰাজনৈতিক মহলতো তেওঁৰ মৃত্যুত গভীৰ শোকৰ ছাঁ পৰিছে ।
