ইণ্টাৰনেচনেল ডেস্ক, ২৮ নৱেম্বৰ : সমগ্ৰ চীন উত্তাল হৈ আছে গণ কোভিড-বিৰোধী প্ৰতিবন্ধকতাৰ প্ৰতিবাদত (anti Covid restrictions protests across China) । এই অতি উদ্বেগজনক বাতৰি প্ৰকাশ কৰি চীনা কৰ্তৃপক্ষৰ ৰোষত পৰিছে ব্ৰিটিছ ব্ৰডকাষ্টিং কৰ্প'ৰেচন চমুকৈ বিবিচিৰ সাংবাদিক (British Broadcasting Corporation, BBC) । কেৱল সিমানেই নহয়, বিবিচিৰ এগৰাকী সাংবাদিকক ছাংহাইত চলি থকা প্ৰতিবাদৰ বাতৰি পৰিবেশন কৰি থকা অৱস্থাত চীনা কৰ্তৃপক্ষই তেওঁক গ্ৰেপ্তাৰ কৰি হাত কেৰেয়া লগায় ।
সাংবাদিকক কৰা এনে আচৰণৰ ফলত বিবিচিয়ে উদ্বেগ প্ৰকাশ কৰিছে । এক বিবৃতিত বিবিচিয়ে চীনত তেওঁলোকৰ সাংবাদিক এড লৰেন্সক গ্ৰেপ্তাৰ কৰাৰ সময়ত আৰক্ষীয়ে প্ৰহাৰ কৰা আৰু লথিওৱা বুলিও অভিযোগ কৰি উক্ত ঘটনাত উদ্বেগ প্ৰকাশ কৰে (BBC concern over journalist attacked in China) ।
"ছাংহাইত হোৱা প্ৰতিবাদৰ বাতৰি পৰিবেশনৰ সময়ত গ্ৰেপ্তাৰ কৰা আৰু হাতকেৰেয়া পিন্ধোৱা আমাৰ সাংবাদিক এড লৰেন্সৰ সৈতে কৰা আচৰণক লৈ বিবিচি অত্যন্ত চিন্তিত (BBC Journalist Ed Lawrence beaten in China) । তেওঁক কেইবা ঘণ্টাধৰি আটক কৰি ৰখা হৈছিল । গ্ৰেপ্তাৰ হোৱাৰ সময়ত আৰক্ষীয়ে তেওঁক প্ৰহাৰ কৰিছিল আৰু লথিয়াইছিল । তেওঁ এগৰাকী স্বীকৃত সাংবাদিক হিচাপে কাম কৰি থকা অৱস্থাতে এই ঘটনাটো সংঘটিত হয় (China arrested BBC Journalist Ed Lawrence)" বিবিচিয়ে কয় । লগতে বিবিচিয়ে প্ৰকাশ কৰে যে এইটো অতি উদ্বেগজনক যে তেওঁলোকৰ এজন স্বীকৃত সাংবাদিকক তেওঁৰ চৰকাৰী দায়িত্ব পালন কৰোঁতে এনেদৰে আক্ৰমণ কৰা হয় ।
"চীনা কৰ্তৃপক্ষই আমাৰ ওচৰত কোনো আনুষ্ঠানিক ব্যাখ্যা বা ক্ষমা প্ৰাৰ্থনা কৰা নাই । বিষয়াসকলে তেওঁক মুকলি কৰি দিয়াৰ পিছত দাবী কৰে যে তেওঁক কোভিড আক্ৰান্তৰ ভিৰৰ পৰা ৰক্ষা কৰা আৰু তেওঁৰ নিজৰ ভালৰ বাবে গ্ৰেপ্তাৰ কৰিছিল । আমি ইয়াক এক বিশ্বাসযোগ্য ব্যাখ্যা বুলি বিবেচনা নকৰোঁ ।" বিবৃতিটোত এইকথাও কোৱা হৈছে । উল্লেখ্য, চীনৰ বহুতো চহৰত ব্যাপক প্ৰতিবাদ অব্যাহত আছে । শূন্য-কোভিড নীতিৰ বিৰুদ্ধে এক অভূতপূৰ্ব প্ৰতিবাদ প্ৰদৰ্শন কৰি প্ৰতিবাদকাৰীসকলে আনকি "পদ ত্যাগ কৰক, ছি জিনপিং (Xi Jinping) ! কমিউনিষ্ট পাৰ্টি, পদত্যাগ কৰক" আদি শ্লোগানে দিয়ে । চিএনএনৰ (CNN) এক প্ৰতিবেদনত এই কথা প্ৰকাশ ।
এই বৃহৎ প্ৰতিবাদটো কাৰ্যত জিনজিয়াং প্ৰদেশৰ ৰাজধানী উৰুমকীত এটা এপাৰ্টমেণ্ট ব্লকত লগা জুইৰ ফলত উদ্ভৱ হয় । বৃহস্পতিবাৰে সংঘটিত এই ঘটনাত কমেও ১০ জন লোকৰ মৃত্যু হয় । আৰু সেয়াই জনসাধাৰণৰ ক্ষোভৰ বাবে এক অনুঘটক হিচাপে কাম কৰে । সংবাদ মাধ্যমৰ প্ৰতিবেদন অনুসৰি, বেছিভাগ বিক্ষোভ প্ৰদৰ্শন আৰম্ভ হয় এটা ভিডিঅ' প্ৰকাশৰ পিছত । উক্ত ভিডিঅ'টোত প্ৰকাশ পাইছিল যে অগ্নিনিৰ্বাপক বাহিনীয়ে ভুক্তভোগীসকলৰ ওচৰলৈ যোৱাত পলম কৰিছিল ।
ৰাজধানী বেইজিংৰ পৰা ছাংহাইৰ বিত্তীয় কেন্দ্ৰলৈকে, জিনজিয়াঙৰ অগ্নিকাণ্ডৰ ফলত মৃত্যু হোৱা লোকসকলৰ প্ৰতি শোক প্ৰকাশ কৰিবলৈ ৰাইজ সমবেত হৈছিল । আনহাতে, শূন্য-কোভিড নীতিৰ বিৰুদ্ধেও প্ৰতিবাদ সাব্যস্ত কৰে । দেওবাৰে সন্ধিয়ালৈকে বাৰখনতকৈও অধিক বিশ্ববিদ্যালয় চৌহদত শিক্ষাৰ্থীসকলে প্ৰতিবাদী পোষ্টাৰ প্ৰদৰ্শন কৰে বা লগায় । প্ৰতিবাদ চেংডু, গুয়াংঝৌ আৰু উহানলৈও বিয়পি পৰে । য'ত আৱাসীসকলে কেৱল কোভিডৰ নিষেধাজ্ঞা বন্ধ কৰাৰ বাবেই প্ৰতিবাদ কৰা নাছিল । ৰাজধানী চহৰ বেইজিঙৰ চিংঘুয়া বিশ্ববিদ্যালয়ত শিক্ষাৰ্থীসকলে শূন্য-কোভিডৰ বিৰুদ্ধে প্ৰতিবাদ কৰিবলৈ এটা স্কোৱেৰত একত্ৰিত হৈছিল ।
ছ'চিয়েল মিডিয়াত প্ৰচাৰিত ভিডিঅ' আৰু ছবিবোৰত শিক্ষাৰ্থীসকলে ফেষ্টুন লৈ চিঞৰি থকা দেখা গৈছে : "গণতন্ত্ৰ আৰু আইনৰ শাসন ! মত প্ৰকাশৰ স্বাধীনতা !" চিএনএনৰ মতে, শুকুৰবাৰে উৰুমকীত ব্যাপক লকডাউন-বিৰোধী প্ৰতিবাদৰ পিছত লকডাউন প্ৰভাৱিত চুবুৰীয়া অঞ্চলৰ বাসিন্দাসকলেও বাধা অতিক্ৰমি ৰাজপথলৈ ওলাই আহে । চীনত ক্ৰোধ আৰু অবাধ্য হোৱাৰ এনে ব্যাপক দৃশ্য বিৰল । কিয়নো শাসকীয় কমিউনিষ্ট পাৰ্টীয়ে সকলো ধৰণৰ ভিন্নমতক কঠোৰ হাতেৰে আক্ৰমণ কৰে । অৱশ্যে সমগ্ৰ দেশতে দীৰ্ঘদিন ধৰি চলি থকা কোভিড প্ৰতিবন্ধকতা বৃদ্ধিয়ে ইয়াত ইন্ধন যোগায় ।
লগতে পঢ়ক : Passenger ferry stuck in Brahmaputra: ব্ৰহ্মপুত্ৰত আৱদ্ধ যাত্ৰীবাহী ফেৰী
