নিউজ ডেস্ক, ১৬ জুনঃ ইজিপ্তৰ কায়ৰাৰ পৰা বন্দে ভাৰত মিছনৰ অধীনত সোমবাৰে ২৩৫ জন যাত্ৰীলৈ ভাৰতলৈ উৰা মাৰে এখন বিশেষ বিমান । মহামাৰী কৰ'ণাৰ বাবে কয়ৰাত আৱদ্ধ হৈ পৰা মুম্বাই আৰু কোছিৰ যাত্ৰীক লৈ উৰা মাৰে বিমানখন ।
উল্লেখ্য যে, বন্দে ভাৰত মিছন হৈছে ভাৰত চৰকাৰৰ এটা এনেকুৱা যোজনা য'ত মহামাৰী COVID-19ক প্ৰতিৰোধ কৰিবলৈ ভাৰতত সকলো ধৰণৰ যাত্ৰা বন্ধ কৰি দিয়াৰ সময়ত বিশ্বৰ ভিন্ন স্থানত আৱদ্ধ হৈ পৰা প্ৰৱাসী ভাৰতীয়ক পুনৰ নিজ দেশলৈ ঘূৰাই আনিবলৈ ভাৰত চৰকাৰৰ দ্ধাৰা লোৱা এক প্ৰচেষ্টা ।
আনহাতে, বিদেশ মন্ত্ৰণালয়ৰ মুখপাত্ৰ অনুৰাগ শ্ৰীবাস্তৱে ১১ জুনত সদৰি কৰা অনুসৰি বন্দে ভাৰতৰ অধীনত বৰ্তমান পৰ্যন্ত ২৯,০৩৪ গৰাকী প্ৰৱাসী শ্ৰমিকৰ সৈতে মুঠ ১,৬৫,৩৭৫ গৰাকী প্ৰবাসী ভাৰতীয় লোকক নিজ দেশলৈ ঘূৰাই আনে ।
৭ মে' ৰ পৰা আৰম্ভ হোৱা বন্দে ভাৰত মিছন ৩০ জুন পৰ্যন্ত থাকিব বুলিও সদৰি কৰে ।
