নিউজ ডেস্ক, 31 জুলাইঃ আফগানিস্তানৰ বাঘলান প্ৰদেশত দেশখনৰ সেনাবাহিনীয়ে চলোৱা এক ভয়ংকৰ আক্ৰমণত 56 জন সন্ত্ৰাসবাদী নিহত হয় ৷ বাঘলানৰ কুৰগান টেপাৰ নিকটৱৰ্তী পল-ই-খমৰিস্থিত তালিবান শিবিৰত সেনাৰ এটা দলে মঙলবাৰে নিশাৰ ভাগৰ পৰা বুধবাৰে ৰাতিপুৱালৈ চলোৱা ধাৰাসাৰ আক্ৰমণত সাতজনকৈ কামাণ্ডাৰকে ধৰি সৰ্বমুঠ 56গৰাকী সন্ত্ৰাসবাদী নিহত হয় ৷
আফগান সেনাৰ মুখপাত্ৰ মহম্মদ হানিফ ৰেজাৰ লগতে প্ৰাদেশিত আৰক্ষীৰ মুখপাত্ৰ জাৱেদ বচৰতে প্ৰকাশ কৰিছে এই তথ্য ৷ আফগান সেনাৰ পল-ই-খমৰিস্থিত এটি শিবিৰত তালিবানে চলোৱা আক্ৰমণৰ পিচতে দেশখনৰ সেনাই তালিবানৰ ওপৰত এইদৰে আক্ৰমণ চলাই সন্ত্ৰাসবাদী কেইটা নিধন কৰিবলৈ সক্ষম হয় ৷ তদুপৰি এই আক্ৰমণত 30গৰাকী সন্ত্ৰাসবাদী গুৰুতৰভাৱে আঘাতপ্ৰাপ্ত হয় ৷
