ইন্টাৰনেচনেল ডেস্ক, 25 ফেব্ৰুৱাৰী : বৃহস্পতিবাৰে ইউক্ৰেইনৰ ৰাষ্ট্ৰপতিৰ এগৰাকী উপদেষ্টাই সদৰি কৰিছে যে দেশখনত ৰাছিয়াৰ আক্ৰমণত এতিয়ালৈকে প্ৰায় ৪০ জন লোক নিহত হৈছে (Ukranians killed in Russian invasion ) । ৰাষ্ট্ৰপতি ভলোডিমিৰ জেলেনস্কিৰ এজন উপদেষ্টা অলেক্সি আৰেষ্টোভিচে কৈছিল যে কেইবা ডজন লোক আহত হৈছে । অৱশ্যে, তেওঁ নিৰ্দিষ্ট কৰি দিয়া নাছিল হতাহতসকলৰ ভিতৰত কোনো অসামৰিক লোক অন্তৰ্ভুক্ত আছিল নে নাই ।
ইপিনে, জেলেনস্কিয়ে দেশৰ জনসাধাৰণক উদ্দেশ্য কৰি কৈছে যে, ইউক্ৰেইনৰ কৰ্তৃপক্ষই দেশ ৰক্ষা কৰিবলৈ আগুৱাই অহা সকলক অস্ত্ৰ-শস্ত্ৰ প্ৰদান কৰিব ৷ ইউক্ৰেইনৰ জনসাধাৰণৰ ভৱিষ্যত প্ৰতিজন ইউক্ৰেনীয়ৰ ওপৰত নিৰ্ভৰ কৰে বুলি তেওঁ জনসাধাৰণক দেশ ৰক্ষাৰ বাবে আগুৱাই আহিবলৈ আহ্বান জনায় (Ukrainian authority asks citizens to come out for defense ) ৷
ৰাছিয়াই ইউক্ৰেইনৰ ওপৰত বায়ুসেনা আৰু মিছাইলৰ দ্বাৰা আক্ৰমণ চলোৱাৰ পিছতে ইউক্ৰেইনে ইতিমধ্যে চুবুৰীয়া দেশখনৰ সৈতে সকলো কূটনৈতিক সম্পৰ্ক ছিন্ন কৰিছে (Ukraine cuts all diplomatic ties with Russia) ৷ ইউক্ৰেইনৰ দায়িত্বশীল বিষয়া সকলে অৱগত কৰিছে যে, দেশখনৰ সামৰিক বাহিনীয়ে এতিয়াও যুঁজি আছে আৰু কিন্তু শত্ৰুপক্ষক নিয়ন্ত্ৰণ কৰিবলৈ তেওঁলোকক প্ৰতিৰক্ষা সহায়ৰ প্ৰয়োজন আছে ।
ইপিনে, শেষ নিশা অহা খবৰ অনুসৰি ইউক্ৰেইনৰ স্বাস্থ্যমন্ত্ৰী ওলেহ লিয়াস্কোৱে সদৰি কৰিছে যে, ইতিমধ্যে ৫৭ জন লোক নিহত হোৱাৰ বিপৰীতে ১৬৯ জন লোক আহত হৈছে ।
Russia Ukraine crisis: ইউক্ৰেইনত আবদ্ধ তেজপুৰৰ ছাত্ৰীক অনাৰ ব্যৱস্থা কৰিব সাংসদ পল্লব লোচন দাসে
