গুৱাহাটী, ৯ এপ্ৰিলঃ আজি এই অনুষ্ঠানত আমি লৈ আহিছো সম্প্ৰতি কানাডাৰ ৱাটাৰলু বিশ্ববিদ্যালয়ত অধ্যয়ন কৰি থকা এগৰাকী মেধাৱী অসমীয়া ছাত্ৰী ৰিয়া ৰাজ গগৈক । ৰিয়া ৰাজ গগৈ হৈছে প্ৰথম গৰাকী অসমীয়া ছাত্ৰী যাৰ এক বিশেষ প্ৰজেক্ট সাত মাহৰ বাবে সংৰক্ষণ আৰু প্ৰদৰ্শনৰ ব্যৱস্থা কৰা হৈছে ৱাটাৰলুৰ কিটচেনাৰত থকা "দ্য মিউজিয়াম" নামৰ সংগ্ৰহালয়টোত ।
প্লাষ্টিক প্ৰদূষণৰ বিষয়ে যোৱা জানুৱাৰী মাহত ৰিয়া ৰাজ গগৈয়ে এক প্ৰকল্প প্ৰস্তুত কৰিছিল, যি প্ৰকল্পৰ বিষয়বস্তু আছিল অসমৰ দীপৰ বিল । প্লাষ্টিক প্ৰদূষণে দীপৰ বিল আৰু বিলখনত থকা জীৱকুলৰ প্ৰতি যি ভয়ানক বিপদ মাতি আনিছে সেই বিষয়ে ৰিয়া ৰাজ গগৈয়ে প্ৰস্তুত কৰা ভিডিঅ'টো ৱাটাৰলু বিশ্ববিদ্যালয়কে ধৰি বিভিন্ন প্ৰান্তত সমাদৃত হৈছিল । আনকি ৱাটাৰলুত থকা "দ্য মিউজিয়াম" এ সাত মাহৰ বাবে সেই প্ৰকল্প প্ৰদৰ্শন আৰু সংৰক্ষণৰ ব্যৱস্থাও কৰিছে । বৰ্তমান বিশ্বৰ এনে সংকটকালত কানাডাত কেনেকৈ, কি কৰি গৃহ বন্দীত্বৰ সময় পাৰ কৰিছে ৰিয়া ৰাজ গগৈয়ে । চাও আহক, আমাৰ সাংবাদিক গৌতম বৰুৱাৰ এক বিশেষ প্ৰতিবেদনঃ
লগতে চাওকঃবিদেশত কুশলে আছেনে অসমীয়া !
