নিউজ ডেস্ক, 29 জুন : সোমবাৰে দিনৰ ভাগত পাকিস্তানৰ কৰাচীত সংঘটিত হয় ভয়াৱহ আক্ৰমণ ৷ সন্ত্ৰাসবাদীৰ দ্বাৰা সংঘটিত আক্ৰমণত 3 গৰাকী লোক গুৰুতৰভাৱে আঘাতপ্ৰাপ্ত হোৱাৰ বিপৰীতে 9 গৰাকী লোকে প্ৰাণ হেৰুৱায় ৷
কৰাচীস্থিত পাকিস্তান ষ্টক এক্সচেঞ্জ বিল্ডিঙত সংঘটিত হয় এই আক্ৰমণ ৷ চাৰিগৰাকী সন্ত্ৰাসবাদীয়ে অট্টালিকাটোত প্ৰৱেশ কৰি নিৰ্বিচাৰে ধাৰাসাৰ গুলিচালনা কৰে ৷ ঘটনাৰ পিচতে কৰাচী ষ্টক এক্সচেঞ্জত এক হাহাকাৰময় অৱস্থাৰ সৃষ্টি হয় ৷
ইতিমধ্যে ঘটনাস্থলীত পাকিস্তানৰ নিৰাপত্তা বাহিনীৰ লগতে তদন্তকাৰী বাহিনীৰ দল উপস্থিত হৈ তদন্ত আৰম্ভ কৰিছে ৷ পাকিস্তানৰ আৰক্ষীয়ে প্ৰকাশ কৰা অনুসৰি, চাৰিগৰাকী সন্ত্ৰাসবাদীয়ে দুপৰীয়াৰ ভাগত কাৰ্যালয়টোত প্ৰৱেশ কৰি ধাৰাসাৰে গুলিচালনা কৰে ৷ ঘটনাৰ বিষয়ে জানিব পাৰি পাকিস্তানৰ নিৰাপত্তা বাহিনীৰ এটা দল ঘটনাস্থলীত উপস্থিত হৈ তিনিগৰাকী সন্ত্ৰাসবাদীক নিধন কৰাৰ লগতে এতিয়াও এটা সন্ত্ৰাসবাদী কাৰ্যালয়টোৰ ভিতৰত আৱদ্ধ হৈ আছে বুলি জনাইছে ৷
ইতিমধ্যে পাকিস্তানৰ নিৰাপত্তা সংস্থাই কাৰ্যালয়টো খালী কৰাৰ লগতে ষ্টক এক্সচেঞ্জক কৰ্মৰত লোকসকলক নিৰাপদে বাহিৰলৈ উলিয়াই আনিছে ৷ কাৰ্যালয়টোৰ মুখ্য দ্বাৰত প্ৰথমে গ্ৰেণেডেৰে আক্ৰমণ কৰি ভিতৰত প্ৰৱেশ কৰে সন্ত্ৰাসবাদীৰ দলটোৱে ৷ এখন টয়োটা কৰোলা বাহনেৰে আহিছিল সন্ত্ৰাসবাদীৰ দলটো ৷ এই আক্ৰমণৰ ফলত কাৰ্যালয়টোৰ বাহিৰত থকা পাকিস্তান আৰক্ষীৰ এগৰাকী লোক আৰু দুগৰাকী সুৰক্ষাকৰ্মী আহত হয় ৷
-
#Karachi firing outside #Pakistan stock exchange building three wounded pic.twitter.com/ATZP2LUVzv
— Riaz sohail (@RiazSangi) June 29, 2020 " class="align-text-top noRightClick twitterSection" data="
">#Karachi firing outside #Pakistan stock exchange building three wounded pic.twitter.com/ATZP2LUVzv
— Riaz sohail (@RiazSangi) June 29, 2020#Karachi firing outside #Pakistan stock exchange building three wounded pic.twitter.com/ATZP2LUVzv
— Riaz sohail (@RiazSangi) June 29, 2020
ঘটনা সন্দৰ্ভত প্ৰতিক্ৰিয়া ব্যক্ত কৰিছে পাকিস্তান ষ্টক এক্সচেঞ্জৰ নিৰ্দেশক আবিদ আলি হাবিবে ৷ তেওঁ প্ৰকাশ কৰা অনুসৰি, সন্ত্ৰাসবাদীৰ দলটোৱে কাৰ্যালয়টোৰ পাৰ্কি প্লেচৰ পৰা আহি মুখ্য প্ৰৱেশদ্বাৰৰ পৰাই ধাৰাসাৰে গুলিচালনা কৰিবলৈ লয় আৰু কাৰ্যালয়টোৰ ভিতৰত প্ৰৱেশ কৰে ৷
বৰ্তমান সময়লৈকে ঘটনাস্থলীত সন্ত্ৰাসবাদী আৰু নিৰাপত্তা বাহিনীৰ মাজত গুলিয়াগুলি অব্যাহত আছে ৷ ঘটনাৰ ফলত আহত লোকসকলক ওচৰৰ চিকিৎসালয়ত ভৰ্তি কৰোৱা হৈছে বুলি জানিব পৰা গৈছে আৰু ভিতৰত আৱদ্ধ লোকসকলক কাৰ্যালয়টোৰ পিচদুৱাৰেদি সুকলমে বাহিৰলৈ উলিয়াই অনা হৈছে ৷ পাকিস্তানৰ বাণিজ্যিক মুখ্য়ালয়ত সংঘটিত সন্ত্ৰাসবাদীৰ আক্ৰমণৰ পিচতেই ঘটনাস্থলীত পাকিস্তান সেনাৰ বিশেষ বাহিনীৰ দলো মোতায়েন কৰা হৈছে বুলি জানিব পৰা গৈছে ৷
-
Two more terrorists were killed,attack foiling.Weldon #pakistan security personnel.#Karachi pic.twitter.com/X55axm9Btt
— Khurram Ansari (@khurram143) June 29, 2020 " class="align-text-top noRightClick twitterSection" data="
">Two more terrorists were killed,attack foiling.Weldon #pakistan security personnel.#Karachi pic.twitter.com/X55axm9Btt
— Khurram Ansari (@khurram143) June 29, 2020Two more terrorists were killed,attack foiling.Weldon #pakistan security personnel.#Karachi pic.twitter.com/X55axm9Btt
— Khurram Ansari (@khurram143) June 29, 2020
ইয়াৰ পূৰ্বেও পাকিস্তানৰ বহুকেইবাৰ সন্ত্ৰাসবাদীৰ আক্ৰমণ সংঘটিত হৈছিল ৷ বিগত বৰ্ষত ছবাৰকৈ সন্ত্ৰাসবাদীৰ আক্ৰমণৰ বলি হৈছিল পাকিস্তান ৷ এই আক্ৰমণত পাকিস্তানৰ প্ৰায় 65 গৰাকী লোক নিহত হৈছিল ৷
