নিউজ ডেস্ক, 2 আগষ্ট: কৰ'ণা ভাইৰাছ মহামাৰীৰ সংক্ৰমণে অতিক্ৰম কৰিলে পৃথিৱীৰ 1,80,25,877 তকৈয়ো অধিক লোকলৈ ৷ 6,88,962 তকৈয়ো অধিকলৈ বৃদ্ধি পালে এই মহামাৰীত আক্ৰান্ত হৈ মৃত্য়ুক সাৱটি লৈছে লোকৰ সংখ্য়া ৷ অৱশ্যে বৰ্তমানলৈ 1,13,33,831 তকৈয়ো অধিক লোকে অব্যাহতি লাভ কৰিছে এই মহামাৰীৰ কবলৰ পৰা ৷
শনিবাৰলৈ দক্ষিণ আফ্ৰিকাত 5,00,000 গৰাকীকৈ বৃদ্ধি পায় COVID-19 ত আক্ৰান্ত লোকৰ সংখ্যা ৷ প্ৰায় 58 মিলিয়ন নাগৰিকেৰে ভৰা দেশখন আমেৰিকা, ব্ৰাজিল, ৰাছিয়া আৰু ভাৰতৰ পাচতে পঞ্চম স্থানত আছে পৃথিৱীৰ আটাইতকৈ অধিক কৰ'ণাৰ সংক্ৰমণ পোৱা দেশসমূহৰ ভিতৰত ৷
বিশেষজ্ঞ সকলে উল্লেখ কৰা অনুসৰি, বিশ্বজুৰি কৰ'ণাৰ প্ৰকৃত সংক্ৰমণৰ সংখ্যা সীমিত পৰীক্ষণ আৰু অন্য কোনো কাৰণৰ বাবে নিশ্চিত সংখ্যাতকৈ যথেষ্ট অধিক ৷
35 শতাংশতকৈয়ো অধিক নিশ্চিত আক্ৰান্ত লোক আছে দক্ষিণ আফ্ৰিকাৰ গৌটেং প্ৰান্তত ৷ য'ত দেশখনৰ আটাইতকৈ বৃহৎ চহৰ জোহান্সবাৰ্গকে ধৰি প্ৰিটোৰিয়া অৱস্থিত ৷ স্থানীয় চিকিৎসালয় সমূহত সম্প্ৰতি চলি আছে কৰ'ণাৰ চিকিৎসা ৷ বিশেষজ্ঞ আৰু চিকিৎসক সকলে উল্লেখ কৰা অনুসৰি, আগষ্ট মাহৰ শেষ আৰু চেপ্তেম্বৰ মাহৰ প্ৰথমাৰ্ধত দেশ খনত কৰ'ণাৰ প্ৰকোপে শীৰ্ষলৈ গতি কৰিব পাৰে ৷
লগতে পঢ়ক: পাঞ্জাৱ সুৰা ট্ৰেজেডি : মৃতকৰ সংখ্যা 86 লৈ বৃদ্ধি
