নিউজ ডেস্ক, 9 জুলাইঃ বৃহস্পতিবাৰে চীনৰ ৰাষ্ট্ৰদূত হু য়াংকিয়ে নেপালৰ শাসনাধীন দলৰ কাৰ্যকাৰী অধ্যক্ষ পুষ্প কমল দাহাল প্ৰচন্দক আন্তঃদলীয় বৈঠকৰ মাজতে সাক্ষাৎ কৰে ৷ কাঠমাণ্ডু পোষ্টে প্ৰকাশ কৰে এই প্ৰতিবেদন ৷
কাঠমাণ্ডু পোষ্টৰ প্ৰতিবেদন অনুসৰি, বৃহস্পতিবাৰে পুৱা প্ৰায় 9 বজাত দাহালৰ বাসগৃহত 50 মিনিটৰ এখন বৈঠকত মিলিত হয় ৰাষ্ট্ৰদূত গৰাকী ৷
নেপালৰ ৰাজনৈতিক অনিশ্চয়তা প্ৰধানমন্ত্ৰী কে.পি শৰ্মা অলিৰ পদত্যাগৰ ক্ৰমবৰ্ধমান আহ্বানৰ মাজতে হু য়াংকিয়ে ৰাষ্ট্ৰপতি বিদ্যা দেৱী ভাণ্ডাৰী, অলি আৰু শাসনাধীন দলৰ নেতাসকলৰ সৈতে এখন বৈঠকত মিলিত হয় ৷
বৃহস্পতিবাৰে এক সংবাদ মাধ্যমে প্ৰকাশ কৰা তথ্য অনুসৰি, নেপালৰ কমিউনিষ্ট দল আন্তঃ দলীয় বিৰোধৰ সমস্যা সমাধানত বিফল হৈছে ৷ কিয়নো কে.পি শৰ্মা অলি আৰু প্ৰচন্দে এসপ্তাহৰ ভিতৰত 6 খনতকৈয়ো অধিক বৈঠক অনুষ্ঠিত কৰিও সহমতৰ গঠনৰ ক্ষেত্ৰত বিফল হৈছে ৷
বুধবাৰে এনচিপিৰ 45 জনীয়া স্থায়ী কমিটিৰ এখন আলোচনা সভা শুকুৰবাৰলৈ স্থগিত কৰা হৈছে ৷ বৈঠকখন চতুৰ্থ বাৰৰ বাবে স্থগিত কৰা হৈছে, যাতে দলৰ দুই অধ্যক্ষৰ মাজৰ বৈষম্যতাৰ সমস্যা সমাধান কৰিব পৰা যায় ৷
হু য়াংকিয়ে স্থায়ী কমিটিৰ বৈঠকত শুকুৰবাৰে 68 বছৰ পুৰণি তেলৰ ৰাজনৈতিক সিদ্ধান্ত গ্ৰহণ কৰা হ'ব বুলি আশা প্ৰকাশ কৰিছে ৷ উল্লেখ্য যে, প্ৰাক্তন প্ৰধানমন্ত্ৰী মাধৱ কুমাৰ নেপাল আৰু ঝালানাথ খনাল সমৰ্থিত প্ৰচন্দ দলে অলিৰ পদত্যাগৰ বাবে দাবী উত্থাপন কৰি আহিছে ৷
লগতে পঢ়কঃ ৰাষ্ট্ৰপতি নিৰ্বাচনত প্ৰতিদ্বন্দিতা আগবঢ়াব ৰেপাৰ কান্যে ৱেষ্টয়ে
