ইন্টাৰনেশ্যনেল ডেস্ক, 21 নৱেম্বৰ : উত্তৰ-পশ্চিম পাকিস্তানৰ শ্বাট জিলাৰ এখন পাহাৰত উদ্ধাৰ হৈছে 1,300 বছৰ পুৰণি এটি হিন্দু মন্দিৰ ৷ পাকিস্তান আৰু ইটালীৰ প্ৰত্নতত্ববিদসকলে পাহাৰখনৰ পৰা এই হিন্দু মন্দিৰটো আৱিস্কাৰ কৰিছে ৷ বাৰিকোট ঘুন্দাই খননৰ সময়তে হিন্দু মন্দিৰটো আৱিস্কাৰ কৰিছে প্ৰত্নতত্ববিদসকলে ৷
এই আৱিস্কৃত মন্দিৰটো ভগৱান বিষ্ণুৰ মন্দিৰ বুলি বৃহস্পতিবাৰে প্ৰত্নতত্ব বিভাগৰ খাইবাৰ পাখতুনখোলা ফজলে খালিকে জানিবলৈ দিয়ে ৷ 1,300 বছৰ পূৰ্বে হিন্দু শ্বাহী সময়ছোৱাত হিন্দুসকলে এই মন্দিৰটো নিৰ্মাণ কৰিছিল ৷
হিন্দু শ্বাহী তথা কাবুল শ্বাহী (850-1026 খ্ৰীঃপূঃ) এক হিন্দু ৰাজবংশ আছিল, যিয়ে কাবুল ঘাটি (পূৱ আফগানিস্তান), গান্ধাৰ (বৰ্তমানৰ পাকিস্তান) আৰু বৰ্তমানৰ পশ্চিমোত্তৰ ভাৰতত শাসন কৰিছিল ৷
প্ৰত্নতত্ব বিভাগৰ খননৰ সময়ত প্ৰত্নতত্ববিদসকলে মন্দিৰটোৰ এফালে সেনা নিৱাস আৰু প্ৰহৰীৰ চাপো আৱিস্কাৰ কৰে ৷ ইয়াৰোপৰি এটি পানীৰ টেংকী উদ্ধাৰ কৰে আৰু এই টেংকীটো হিন্দুসকলে মন্দিৰত পূজা কৰাৰ পূৰ্বে ব্য়ৱহাৰ কৰা বুলি বিশেষজ্ঞসকলে বিশ্বাস কৰে ৷
আনহাতে, ইটালীৰ প্ৰত্নতত্ববিদ ড৹ লুকে কয় যে, শ্বাট জিলাত আৱিস্কাৰ হোৱা এই মন্দিৰটো গান্ধাৰ সভ্য়তাৰ প্ৰথমটো মন্দিৰ ৷ প্ৰাকৃতিক সৌন্দৰ্য, ধৰ্মীয় ভ্ৰমণ, সংস্কৃতি, পৰ্যটন আৰু প্ৰত্নতাত্বিক দিশৰ ক্ষেত্ৰত পাকিস্তানৰ শীৰ্ষ 20 টা স্থানৰ ভিতৰত শ্বাট জিলাও অন্যতম ৷ এই জিলাখনত বৌদ্ধ ধৰ্মৰ লোকৰো বহু পূজাথলী আৱিস্কাৰ কৰা হৈছে ৷
লগতে পঢ়ক : কৰ'ণাৰ চিকিৎসাৰ বাবে ৰেমডিজাভিৰ ব্যৱহাৰ নকৰিবলৈ সকীয়নি WHO ৰ
