নিউজ ডেস্ক, ২৭ জানুৱাৰী: আফগানিস্তানত সংঘটিত হয় দুটাকৈ ভয়ংকৰ বোমা বিস্ফোৰণ । ফলত নিহত হয় ৩ জন আৰু আহত হয় ১৩ জন ।
বুধবাৰে পুৱা দেশখনৰ ৰাজধানী কাবুলত আৰক্ষীৰ বাহনত এটা আই ই ডি বিস্ফোৰণ হয় । ফলত আহত হয় দুজনকৈ বিষয়া । ঘটনা সন্দৰ্ভত কাবুল আৰক্ষীৰ অপৰাধ অনুসন্ধানকাৰী বিভাগৰ এটা দলে তদন্ত অব্যাহত ৰাখিছে ।
ইফালে মংগলবাৰে নিশা অনুৰূপ ঘটনা সংঘটিত হয় দেশখনৰ দক্ষিণ উৰুগণ প্ৰদেশতো ৷ ইয়াত দুগৰাকী আৰক্ষী বিষয়া আৰু এগৰাকী নাগৰিকৰ মৃত্যু হৈছিল ৷ লগতে দহ গৰাকী নাগৰিক আৰু এগৰাকী আৰক্ষী আহত হৈছিল । সম্প্ৰতি আহতসকল চিকিৎসাধীন বুলি জানিব পৰা গৈছে ।
আনপিনে শেহতীয়াকৈ সংঘটিত এক বিস্ফোৰণত তালিবানী সন্ত্ৰাসবাদীয়ে বিস্ফেোৰণ সংঘটিত কৰা বুলি অভিযোগ কৰিছিল আফগান আৰক্ষীয়ে ।
