নিউজ ডেস্ক, 13 জুনঃ পাকিস্তানৰ ৰাৱলপিণ্ডিত ভিৰ যুক্ত এখন বজাৰত সংঘটিত হয় এক শক্তিশালী বোমা বিস্ফোৰণৰ ঘটনা । এই ঘটনাত নিহত হয় 1 জন লোক আৰু আহত হয় এজন শিশুকে ধৰি মুঠ 12 জন লোক । আহতসকলক ততাতৈয়াকৈ লৈ যোৱা হয় কাষৰ চিকিৎসালয়লৈ । আহত সকলৰ মাজত এজৰ দুজনৰ অৱস্থা সংকটজনক বুলি জানিব পৰা গৈছে ।
বিস্ফোৰণটোত 2-3 কেজিৰ বিস্ফোৰক সামগ্ৰী ব্যৱহাৰ কৰা হৈছিল,যাৰ ফলত বিষ্ফোৰিত অঞ্চল বেয়াকৈ ক্ষতিগ্ৰস্ত হৈছে । শুকুৰবাৰে শেষ নিশা কাবাৰি বজাৰৰ কোলা কেদ্ৰত সংঘটিত হয় এই বিস্ফোৰণ ।
বিস্ফোৰণ স্থলীত দেশখনৰ সন্ত্ৰাসবাদ বিৰুধী গোটৰ সেনা উপস্থিত হৈ ঠাইডোখৰ পৰ্যবেক্ষণ কৰাৰ লগতে অনুসন্ধান অব্যাহত ৰাখিছে । আৰক্ষীৰ মুখপাত্ৰ চাজিদুল হাচানে জনোৱা অনুসৰি উক্ত স্থানৰ পৰা ফৰেনচিক বিশেষজ্ঞই নমুনা সংগ্ৰহ কৰিছে । আনহাতে এতিয়ালৈ কোনো সংগঠনে এই ঘটনাৰ দায়িত্ব স্বীকাৰ কৰা নাই ।
উল্লেখ কৰিব লগীয়া যে,বিস্ফোৰণ হোৱা এলেকাৰ পৰা পাক সেনাৰ মুখ্য় কাৰ্যালয়ৰ পৰা মাত্ৰ কিছু নিলগতেই অৱস্থিত ।
লগতে চাওকঃ বহিঃৰাজ্যৰ পৰা অহা যুৱকক লৈ পথাৰ আৰু বজাৰ দখলৰ প্ৰচেষ্টা
