নিউজ ডেস্ক, 15 এপ্ৰিলঃ আমেৰকা যুক্তৰাষ্ট্ৰ আৰু ইৰাণ দুয়োখন দেশেই বৰ্তমান একেটা অদৃশ্য শত্ৰুৰ বিৰুদ্ধে যুঁজ দি আছে । বৰ্তমান স্থগিত কৰিবলগীয়া হৈছে ইৰাণে আমেৰিকাৰ বিৰুদ্ধে ল'বলৈ ওলোৱা প্ৰতিশোধমূলক ব্যৱস্থা ।
বৰ্তমান কৰ'ণা ভাইৰাছৰ বাবে আমেৰিকাৰো অৱস্থা তেনেই শোচনীয় হৈছে । তেহৰানে COVID-19 ৰ প্ৰসংগটো প্ৰতিফলিত কৰি আমেৰিকাৰ প্ৰতিবন্ধকতাসমূহৰ ওপৰত আন্তঃৰাষ্ট্ৰীয় অনুষ্ঠান সমূহৰ মত বিচাৰিছে । ইপিনে ইৰাণে আন্তঃৰাষ্ট্ৰীয় মুদ্ৰা নিধিৰ পৰা পাঁচ বিলিয়ন ডলাৰ বিচাৰিছে,যি বিশ্ব শক্তিৰ 2015 চুক্তিৰ সীমাৰ বাহিৰত ।
2018 চনত আমেৰিকাৰ ৰাষ্ট্ৰপতিয়ে ইছলামিক ৰাষ্ট্ৰক সহায় নকৰাৰ সিদ্ধান্ত লৈছিল । এই ক্ষেত্ৰত মানৱ অধিকাৰ সংগঠন সমূহেও কয় যে,ৱাছিংটনৰ প্ৰতিবন্ধকতাই বাণিজ্যকো বাধা প্ৰদান কৰিছে ।
এই সময়ত আমেৰিকাই ইৰাকী সেনা চাউনীৰ পৰা সেনা প্ৰত্যাহাৰ কৰিছে । লগতে ট্ৰাম্পে কয় যে,তেওঁলোকৰ বিৰুদ্ধে ইৰাণে গোপনে পূৰ্ব-পৰিলকল্পিতভাৱে আক্ৰমণৰ যো-জা কৰিছে ।
জানুৱাৰীত ইৰাকৰ সেনা প্ৰধান কাচিমান চুলেমানিক হত্যা কৰাৰ পাচত দুয়ো ৰাষ্ট্ৰৰ মাজত প্ৰত্যক্ষ যুদ্ধাত্মক পৰিৱেশৰ সৃষ্টি হৈছিল । কিন্তু দুয়োখন দেশকেই বৰ্তমান কৰ'ণা ভাইৰাছত জুৰুলা কৰিছে । বিশ্বত প্ৰায় 1.9 মিলিয়ন লোক COVID-19ত আক্ৰান্ত হৈছে আৰু 1,19,000 লোকৰ মৃত্যু হৈছে ।
ইৰাণত থকা আমেৰিকান সৈনিক সমূহকো অঞ্চল পৰিভ্ৰমণ কৰা সলনি ৰোগ সংক্ৰমণ নহ'বলৈ ভিতৰতে আবদ্ধ হৈ থাকিবলৈ নিৰ্দেশ প্ৰদান কৰিছে ।
