ইন্টাৰনেশ্যনেল ডেস্ক,5 ডিচেম্বৰঃ নৱ নিৰ্বাচিত মাৰ্কিন ৰাষ্ট্ৰপতি জ’ বাইডেনে শুকুৰবাৰে কয় যে, কৰ’ণা ভাইৰাছৰ ভেকচিন গ্ৰহণৰ বাবে জোৰ প্ৰদান কৰা নহয় আমেৰিকান সকলক ৷ ইয়াৰ বিপৰীতে দক্ষতা আৰু সুৰক্ষাৰ প্ৰতি লক্ষ্য ৰাখি আমেৰিকাত ৰাজহুৱাকৈ প্ৰদান কৰা হ’ব ক’ভিড 19ৰ ভেকচিন ৷
ডেলাৱেৰৰ উইলমিংটনত সাংবাদিকৰে হোৱা মত বিনিময় অনুষ্ঠানত ক’ভিড 19ৰ ভেকচিন বাধ্যতামূলক নে বুলি কৰা সাংবাদিকৰ এক প্ৰশ্নত ৰাষ্ট্ৰপতি বাইডেনে কয়, ‘মই নাভাবো যে ক’ভিড 19ৰ ভেকচিন সকলোৰে বাবে অনিবাৰ্য ৷ মই ইয়াক অনিবাৰ্য কৰাৰ বাবে দাবী উত্থাপন নকৰো, যেনেদৰে মই নাভাৱো যে দেশজুৰি মাস্ক পৰিধান কৰাটো অনিবাৰ্য ৷ কিন্তু মই মোৰ ক্ষমতা অনুসৰি সকলো কৰি যাম ৷’
20 জানুৱাৰীত মাৰ্কিন ৰাষ্ট্ৰপতি হিচাপে দায়িত্বভাৰ গ্ৰহণ কৰিব বাইডেনে ৷ তেখেতে কয়, মই এইটো দৃষ্টি ৰাখিম যে ক’ভিড 19ৰ ভেকচিন সকলো লোকৰ বাবে বিনামূলীয়া আৰু সহজলভ্য হওক ৷ ইয়াৰ লগতে কিছু পৰিস্থিতি সাপেক্ষে ইয়াৰ পৰা সৃষ্টি হ’ব পৰা বিভিন্ন শাৰিৰীক অসুস্থতাৰ বাবে প্ৰয়োজনীয় ভেকচিনো সকলো লোকৰ বাবে বিনামূলীয়া কৰা হওক ৷
মই আমেৰিকা যুক্তৰাষ্ট্ৰৰ ৰাষ্ট্ৰপতি হিচাপে মোৰ ক্ষমতা অনুসৰি ইয়াৰ নাগৰিকক সঠিক পদক্ষেপ লোৱাৰ বাবে অনুপ্ৰাণিত কৰিম ৷ যেতিয়া তেওঁলোকে দেখিব যে এইয়া গুৰুত্বপূৰ্ণ তেওঁলোকে নিজে এই কামৰ বাবে আগবাঢ়ি আহিব ৷ যাৰ বাবে মোৰ উদ্বোধনী ভাষণত মই সকলো লোককে 100 দিনৰ বাবে মাস্ক পৰিধান কৰিবলৈ আহ্বান জনাইছিলো ৷ ইয়াৰ কাৰণ এইটো নাছিল যে, মই তেওঁলোকক এই কাৰ্যৰ দ্বাৰা শাস্তি প্ৰদান কৰিব বিচৰিছিলো ৷ এইয়া কোনো ৰাজনৈতিক বিষয় নহয় ৷
যতিয়া তেওঁলোকে প্ৰত্যক্ষ কৰিব যে কেৱল 100 দিন মাস্ক পৰিধান কৰাৰ বাবে হাজাৰ হাজাৰ লোক বেমাৰত পৰা নাই তেতিয়া তেওঁলোকে ইয়াৰ গুৰুত্ব নিজে উপলদ্ধি কৰিব ৷ আৰু ইয়াৰ ফলত পৰৱৰ্তী সময়ত তেওঁলোকে দায়িত্বশীল ভাৱে কাম কৰিব ৷
ইয়াৰ উপৰিও আপোনালোকে ৰাজহুৱাকৈ কেইবা মিলিয়ন লোকক ক’ভিড 19ৰ ভেকচিন লোৱা প্ৰথ্যক্ষ কৰিব ৷ কেৱল আমেৰিকাৰ জনসাধাৰণেই নহয় আমেৰিকাৰ ভূতপূৰ্ৱ তিনিগৰাকী ৰাষ্ট্ৰপতিয়েও ৰাজহুৱাকৈ ক’ভিড 19ৰ ভেকচিন গ্ৰহণ কৰিব ৷ ইয়াৰ দ্বাৰা বিজ্ঞানৰ মনত কিছু বিশ্বাস পুণনিৰ্মান কৰিবলৈ সক্ষম হ‘ম যিটো এই প্ৰশাসনৰ সময়ত যথেষ্ট হ্ৰাস পাইছে ৷
উল্লেখ্য যে, শুকুৰবাৰৰ দিনটোত আমেৰিকাত ক’ভিড 19ত আক্ৰান্ত 2,861 গৰাকী লোকৰ মৃত্যু হয় ৷ বৰ্তমানলৈকে আমেৰিকাত 14 মিলিয়ন লোক ক’ভিড 19ত আক্ৰান্ত হোৱাৰ বিপৰীতে 1,75,000 লোক মৃত্যুমুখত পৰিছে ৷
লগতে পঢ়ক-আগন্তুক ১২ ঘণ্টাত 'বুৰেৱী' ঘূৰ্ণীবতাহৰ গতিবেগ হ্ৰাস পোৱাৰ সম্ভাৱনা
