ইন্টাৰনেশ্য়নেল ডেস্ক,২ জানুৱাৰী : নৱবৰ্ষৰ আনন্দ উল্লাহৰ মাজতে মধ্য় আমেৰিকাৰ হণ্ডুৰাছত শোকাবহ ঘটনা । বছৰৰ প্ৰথমটো দিনতে দেশখনত বিভিন্ন হিংসাত্মক ঘটনাত মৃত্য়ু হয় ১৮ জনকৈ লোকৰ । হণ্ডুৰাছ আৰক্ষীয়ে জনোৱা মতে নৱবৰ্ষৰ উদযাপনৰ সময়তে সংঘটিত হৈছে হিংসাত্মক ঘটনাসমূহ ।
ৰিগোবেৰ্টো ৰোড্ৰিগুৱেজৰ আৰক্ষী উপ পৰিদৰ্শকে এটা সংবাদ মাধ্য়মত জনোৱা মতে তুলনা মূলকভাৱে ২০১৯ বৰ্ষতকৈ এইবাৰৰ মৃত্য়ুৰ সংখ্য়া কম কিয়নো ২০১৯ বৰ্ষত নৱবৰ্ষৰ উদযাপনৰ দিনটোত মৃত্য়ু হৈছিল ২৪ গৰাকী লোকৰ । বিষয়াজনে জনোৱা মতে ২০২০ চনত বিভিন্ন হিংসাত্মক ঘটনাত মৃত্য়ু হৈছিল ৩,৪৮২ গৰাকীৰ আৰু ২০১৯ ত মৃত্য়ু হোৱা লোকৰ সংখ্য়া আছিল ৪,০৮২ গৰাকী । ৰাষ্ট্ৰীয় আৰক্ষীৰ মতে দেশখনত ২০২০ চনত ১ লাখ নিবাসীৰ বিপৰীতে ৩৭ টা হত্য়াকাণ্ড সংঘটিত হৈছে আৰু এই সংখ্য়া ২০১৯ চনত আছিল প্ৰায় ৪৫ টা ।
লগতে পঢ়ক :কেলিফৰ্ণিয়া ফিচিং বিলত ট্ৰাম্পৰ ভেট'
