নিউজ ডেস্ক, 26 এপ্ৰিল : ধুমুহাৰ আগজাননী লাভ কৰি মোজাম্বিক চৰকাৰে ইতিমধ্যে উত্তৰ মোজাম্বিকৰ বিভিন্ন প্ৰান্তৰ পৰা সুৰক্ষিত স্থানলৈ স্থানান্তৰিত কৰিছে 30,000 লোকক ৷ ধুমুহাৰ পাচত উদ্ভৱ হ'ব পৰা পৰিস্থিতিৰ প্ৰতি লক্ষ্য ৰাখি এক লাখ চল্লিশ হাজাৰ জনসাধাৰণক যোগান ধৰিব পৰাকৈ 15 দিনলৈ খাদ্য-বস্ত্ৰ-ঔষধ সাজু কৰি ৰাখিছে দেশখনৰ প্ৰশাসনে ৷ ৰাষ্ট্ৰসংঘৰ তৰফৰ পৰাও দেশখনলৈ আগতীয়াকৈ সাজু কৰি ৰখা হৈছে সাহায্য ৷
উল্লেখ্য যে, কিছুদিনৰ পূৰ্বেই আফ্ৰিকা মহাদেশত উদ্ভৱ হোৱা ইডাই ধুমুহাই বিস্তৰ মোজাম্বিকত বিস্তৰ ক্ষতি সাধন কৰিছিল ৷ ইডাইৰ কবলত মোজাম্বিকত মৃত্যুক সাৱটিছিল 1000 জনতকৈ অধিক লোকে ৷ আনহাতে, ধুমুহাৰ কবলত গৃহহীন হোৱা সহস্ৰাধিক লোকে বৰ্তমানেও আশ্ৰয় গ্ৰহণ কৰি আছে বিভিন্ন আশ্ৰয় শিবিৰত ৷
