হায়দৰাবাদ, 7 অক্টোবৰ: কৰ’ণা মহামাৰীৰ কবলত পৰিছে সমগ্ৰ বিশ্বৰ প্ৰায় 3,60,44,735 গৰাকী লোক ৷ এই ভাইৰাছৰ দ্বাৰা আক্ৰান্ত হৈ মৃত্যুমুখত পৰিছে 10,54,604 গৰাকী ব্যক্তি ৷ তদুপৰি সম্পূৰ্ণৰূপে সুস্থ হৈ উঠিছে 2,71,48,967 গৰাকী ব্যক্তি ৷
আমেৰিকা যুক্তৰাষ্ট্ৰত বিশ্বৰ ভিতৰতে সৰ্বাধিক 77,22,746 গৰাকী ব্যক্তি এই চীনা ভাইৰাছবিধৰ দ্বাৰা আক্ৰান্ত হোৱাৰ বিপৰীতে মৃত্যুক সাৱটি লৈছে 2,15,822 গৰাকীয়ে ৷
মঙলবাৰে বৃটেইনত প্ৰায় 76 গৰাকী ব্যক্তিয়ে এই ভাইৰাছত আক্ৰান্ত হৈ প্ৰাণ হেৰুৱায় ৷ দক্ষিণ কোৰিয়াত 114 গৰাকী ব্যক্তি নতুনকৈ কৰ’ণাত আক্ৰান্ত হৈছে ৷ সম্প্ৰতি বিশ্বৰ সৰ্বত্ৰে স্থানীয় প্ৰশাসন তথা স্বাস্থ্য বিভাগে বাৰে বাৰে এই সংক্ৰমণ ৰোধৰ বাবে জন সাধাৰণক সচেতন হ’বলৈ আহ্বান জনাই আছে ৷ বিশ্বৰ কেইখনমান ৰাষ্ট্ৰ যেনে, পেৰিছ, বৃটেইন আদিত পুনৰবাৰ লক ডাউন ঘোষণাৰ দিশে আগবঢ়াৰ চিন্তা অব্যাহত ৰাখিছে চৰকাৰসমূহে ৷
লগতে চাওকঃ ভাৰতৰ ভিন্ন ৰাজ্যত কৰ’ণাত আক্ৰান্তৰ সংখ্যা
