চিটাৰা ডেস্ক, 8 নৱেম্বৰ: জনপ্ৰিয় ইউটিউবাৰ তথা বিগ বছ OTT 2 ৰ বিজয়ী এলভিছ যাদৱ বৰ্তমান চৰ্চাত । শেহতীয়াকৈ তেওঁৰ নাম সাঙোৰ খাই পৰিছিল ৰেভ পাৰ্টি গোচৰৰ সৈতে ৷ আৰক্ষীয়ে তেওঁক ৰেভ পাৰ্টি গোচৰত জাননী প্ৰেৰণ কৰিছিল । এতিয়া এই বিষয়ত নতুন আপডেট আহিছে । মঙলবাৰে নিশা এলভিছক জেৰা চলাই নয়ডা আৰক্ষীয়ে । এই জেৰা চলিছিল প্ৰায় ৫ ঘণ্টা । কিন্তু তদন্ত এতিয়াও শেষ হোৱা নাই । আজি অৰ্থাৎ বুধবাৰেও আৰক্ষীয়ে এলভিছ যাদৱক জেৰা কৰিব বুলি জানিব পৰা গৈছে । আজি পূৰ্বে গ্ৰেপ্তাৰ কৰা 5 অভিযুক্তৰ সন্মুখত জেৰা চলোৱা হ’ব এলভিছক ৷
ৰেভ পাৰ্টিৰ গোচৰত যেতিয়াৰ পৰা এলভিছ যাদৱৰ নাম সাঙোৰ খাইছে, তেতিয়াৰে পৰা দিনক দিনে বাঢ়ি গৈছে এলভিছৰ বিপদ ৷ নয়ডা আৰক্ষীয়ে এই বিষয়ত তদন্ত কৰি আছে আৰু শেহতীয়াকৈ এই বিষয়ত এলভিছক জেৰা চলায় । মঙলবাৰে নিশা প্ৰায় 11 বজাত নয়ডা ছেক্টৰ 20 থানাত প্ৰায় পাঁচ ঘণ্টা ধৰি চলে জেৰা ।
জেৰাত কি ক’লে এলভিছে ?
জেৰাত এলভিছ যাদৱে নয়ডা আৰক্ষীক জনায় যে তেওঁ নিৰ্দোষী আৰু ষড়যন্ত্ৰৰ বলি হৈছে । বৰ্তমান নয়ডা আৰক্ষীয়ে কয় যে সমগ্ৰ বিষয়টোৰ তদন্ত চলি আছে । তদন্তত উত্থাপিত তথ্যৰ ভিত্তিত অধিক ব্যৱস্থা গ্ৰহণ কৰা হ’ব । উল্লেখ্য যে শেহতীয়াকৈ আৰক্ষীয়েও এই বিষয়ত গায়ক ফৈজলপুৰীয়ালৈ জাননী প্ৰেৰণ কৰিছিল ।
সমগ্ৰ ঘটনাটো কি আছিল ?
এলভিছ যাদৱকে ধৰি মুঠ ছয়জন লোকৰ বিৰুদ্ধে ৰেভ পাৰ্টিত নিষিদ্ধ সাপৰ বিষ যোগান ধৰাৰ অভিযোগ । যোৱা ২ দিনত গোচৰটোত বহুতো টুইষ্ট এণ্ড টাৰ্ণ দেখা পোৱা গৈছিল । এই গোচৰত ৫ জন অভিযুক্তক গ্ৰেপ্তাৰ কৰা হৈছে আৰু আৰক্ষীয়ে অভিযুক্ত এলভিছক অব্যাহত ৰাখিছে জেৰা । এতিয়া এই বিষয়ত আৰক্ষীয়ে কি ব্যৱস্থা গ্ৰহণ কৰিব সেয়া হ’ব লক্ষ্যণীয় ।
লগতে পঢ়ক: Elvish Yadav: ৰেভ পাৰ্টিত এলভিচ যাদৱৰ ওপৰত ড্ৰাগছ সৰবৰাহৰ অভিযোগ, জানো আহক কি হয় এই ৰেভ পাৰ্টি ?
