চিটাৰা ডেস্ক, 7 জুন: বিকি কৌশল আৰু ছাৰা আলী খানৰ 'জাৰা হাটকে জাৰা বাচকে' ছবিখনে বক্স অফিচত ভাল সঁহাৰি লাভ কৰিছে (Zara Hatke Zara Bachke) । মুক্তিৰ প্ৰথম উইকেণ্ডত ছবিখনে বক্স অফিচত ভাল ফলাফল দেখুৱাবলৈ সক্ষম হৈছিল ৷ যদিও সোমবাৰে আৰু মঙলবাৰে ছবিখনৰ উপাৰ্জন হ্ৰাস পাইছে । ইয়াৰ পিচতো ছবিখনে ভাল উপাৰ্জন কৰিছে । ‘দ্য কেৰালা ষ্ট’ৰী’ আৰু ‘স্পাইডাৰ-মেন: এক্ৰছ দ্য স্পাইডাৰ-ভাৰ্ছ’ৰ প্ৰতিযোগিতাৰ মাজতো ছবিখন বক্স অফিচত সুস্থিৰ হৈ আছে । গতিকে জানো আহক ‘জাৰা হাটকে জাৰা বাচকে’ মুক্তিৰ পঞ্চম দিনা অৰ্থাৎ প্ৰথম মঙলবাৰে কিমান উপাৰ্জন কৰিছে ।
পঞ্চম দিনত জাৰা হাটকে জাৰা বাচকে ছবিখনে কিমান ব্যৱসায় কৰিছিল ?
লক্ষ্মণ উটেকাৰৰ পৰিচালিত ৰোমান্টিক কমেডী জাৰা হাটকে জাৰা বাচকেত প্ৰথমবাৰৰ বাবে পৰ্দাত অভিনয় কৰিছে বিকি আৰু ছাৰাই । দুয়োৰে কেমিষ্ট্ৰী ছবিখনত আচৰিত ধৰণে দেখা গৈছে আৰু দৰ্শকেও তেওঁলোকৰ অনস্ক্ৰীণ কেমিষ্ট্ৰী পছন্দ কৰিছে । ইয়াৰ লগে লগে ছবিখনে ছবিগৃহত যথেষ্ট দৰ্শক লাভ কৰিবলৈ সক্ষম হৈছে। একে সময়তে ‘জাৰা হাটকে জাৰা বাচকে’ মুক্তিৰ পঞ্চম দিনা অৰ্থাৎ প্ৰথম মঙলবাৰৰ উপাৰ্জনৰ পৰিসংখ্যাও আহিছে (Zara Hatke Zara Bachke box office) ।
এই ছবিখনে বিশ্বব্যাপী বক্স অফিচত পঞ্চম দিনা ৩.৮৭ কোটি আৰু ঘৰুৱা বক্স অফিচত ২.২৭ কোটি টকা উপাৰ্জন কৰিবলৈ সক্ষম হৈছে। ছবিখনৰ মুঠ উপাৰ্জন ৩০.৬০ কোটি টকালৈ বৃদ্ধি পাইছে (Zara Hatke Zara Bachke collection)।
বাণিজ্য বিশ্লেষক তৰণ আদৰ্শৰ মতে, প্ৰথম দিনাই ৫.৪৯ কোটি, দ্বিতীয় দিনা ৭.২০ কোটি, তৃতীয় দিনা ৯.৯০ কোটি, চতুৰ্থ দিনত ৪.১৪ কোটি আৰু পঞ্চম দিনত ৩.৮৭ কোটি উপাৰ্জন কৰিছে বিশ্বজুৰি ছবিখনে । আনহাতে ঘৰুৱা বক্স অফিচত ছবিখনৰ দৈনিক উপাৰ্জন হৈছে ৩.৩৫ কোটি (১ম দিন), ৪.৫৫ কোটি (২য় দিন), ৫.৭৮ (৩য় দিন), ২.৪০ (৪ৰ্থ দিন) আৰু ২.২৭ কোটি (৫ম দিন)।
সিদ্ধিবিনায়কত বিকি-ছাৰা
একে সময়তে ছবিখনৰ এনে সফলতা দেখি ছবিখনৰ মুখ্য যুটি (বিকি-ছাৰা) মুম্বাইৰ সিদ্ধিবিনায়ক মন্দিৰত উপস্থিত হৈ সকলোকে মিঠাই বিতৰণ কৰে। বিকি আৰু ছাৰাক ইয়াত মেচিং ক্ৰীম ৰঙৰ সাজ-পোছাক পৰিধান কৰা দেখা যায়। ছবিখনৰ পাঁচদিনীয়া সংকলনক সফল বুলি বিবেচনা কৰি অনুৰাগীক মিঠাই খুৱাইছে বিকি আৰু ছাৰাই।
