চিটাৰা ডেস্ক, 13 এপ্ৰিল : ৰণবীৰ-আলিয়াৰ অনুৰাগীসকললৈ বিশেষ উপহাৰ অয়ন মুখাৰ্জীৰ ৷ দুয়োৰে বিয়াৰ উৰা বাতৰিয়ে চৰ্চা লাভ কৰি থকাৰ মাজতে বাতৰিসমূহক লৈ সত্যতা প্ৰমাণ কৰিলে অয়নে (Ranbir Alia wedding) ৷
ৰণবীৰ-আলিয়া অভিনীত বহু প্ৰতীক্ষিত ছবি ব্ৰহ্মাস্ত্ৰ ছবিখনৰ এটি মনোমোহা গীত কেশৰিয়াৰ কিছু অংশৰ 13 এপ্ৰিলৰ দিনাই আভাস দিলে নিজৰ ইনষ্টাগ্ৰামৰ জৰিয়তে (Brahmastra movie song) ৷ কেশৰিয়া গীতটি অয়নে ৰণবীৰ আৰু আলিয়াৰ নামত ডেডিকেট কৰে ৷ দুয়োগৰাকীলৈ যুগ্ম জীৱনৰ আৰম্ভণিৰ প্ৰাকক্ষণত অফুৰন্ত শুভকামনা জনাই অয়নে গীতটিৰ কিয়দাংশ অনুৰাগীৰে সৈতে বুধবাৰে শ্বেয়াৰ কৰে (Alia Bhatt Ranbir Kapoor marriage) ৷
- " class="align-text-top noRightClick twitterSection" data="
">
ৰণবীৰ আৰু আলিয়াক নিজৰ জীৱনৰ ঘনিষ্ঠ বন্ধুসকলৰ অন্যতম বুলি কৈ অয়নে লিখে যে, ৰণবীৰ-আলিয়াই ব্ৰহ্মাস্ত্ৰৰ বাবে নিজক একেবাৰে চৰিত্ৰৰ সৈতে বিলীন কৰি পেলাইছিল (Ranbir Alia movie name) ৷ ৰণবীৰ-আলিয়াৰ একাত্মিক সম্পৰ্কক অনুভৱ কৰিবলৈ ছবিখনৰ পৰা প্ৰেমানুভূতি সম্পন্ন গীত কেশৰিয়াৰ কিছু অংশ দৰ্শকলৈ আগবঢ়োৱাৰ কথাও উল্লেখ কৰে অয়নে ৷ এয়াই অয়নৰ ফালৰ পৰা ৰণবীৰ-আলিয়াৰ বিশেষ দিনটোৰ উপহাৰ ৷
ব্ৰহ্মাস্ত্ৰ ছবিখনত প্ৰথমবাৰৰ বাবে দেখা পোৱা যাব ৰণবীৰ কাপুৰ আৰু আলিয়া ভাটক (Ranbir Alia first movie) ৷ এই ছবিখনৰ দৃশ্যগ্ৰহণৰ সময়তে প্ৰেমত পৰিছিল দুয়ো দুয়োৰে ৷ বিগত আঠ বছৰ ধৰি ছবিখন নিৰ্মাণৰ কাম চলি আছিল ৷
ফক্স ষ্টাৰ ষ্টুডিঅ', ধৰ্মা প্ৰডাকচনছ, প্ৰাইম ফ'কাচ আৰু ষ্টাৰলাইট পিকচাৰ্ছৰ দ্বাৰা প্ৰযোজিত এই ছবিখনত অমিতাভ বচ্চন, মৌনী ৰয় আৰু নাগাৰ্জুন আক্কিনেনীয়েও অভিনয় কৰিছে । চলচ্চিত্ৰখন ৯ ছেপ্তেম্বৰত হিন্দী, তামিল, তেলেগু, মালায়ালম আৰু কানাড়া এই পাঁচটা ভাষাত ছবিগৃহত মুক্তি পাব (Brahmastra release date) ।
লগতে পঢ়ক: Shruti Haasan Assam visiting: অসমীয়াৰ উষ্ম আদৰণিয়ে হৃদয় চুই গ’ল শ্ৰুতি হাছানৰ
