চিটাৰা ডেস্ক,৬ জানুৱাৰী: ক্ৰিকেটাৰ ঋষভ পন্ত পথ দুৰ্ঘটনাত পতিত হোৱাৰ পিছৰে পৰাই বলীউডৰ অভিনেত্ৰী উৰ্বশী ৰৌতেলাই ছচিয়েল মিডিয়াত বিভিন্ন গোপনীয় পোষ্ট শ্বেয়াৰ কৰি থকা পৰিলক্ষিত হৈছে(Urvashi Rautela cryptic posts for rishabh pant ) । ক্ৰিকেটাৰগৰাকীৰ আৰোগ্য কামনা কৰি প্ৰাৰ্থনা কৰাৰ দৰে এটা শব্দৰ বাৰ্তা শ্বেয়াৰ কৰাৰ পৰা ক্ৰিকেটাৰগৰাকীক চিকিৎসা প্ৰদান কৰি থকা চিকিৎসালয়খনৰ ফটোও শ্বেয়াৰ কৰিছে অভিনেত্ৰীগৰাকীয়ে । উৰ্বশীৰ সামাজিক মাধ্যমৰ পোষ্টবোৰৰ পৰা ঋষভৰ সৈতে তেওঁৰ কিবা সম্পৰ্ক আছে বুলি অনুৰাগীসকলে অনুমান কৰিছে(Urvashi Rautela instagram) ।
বৃহস্পতিবাৰে, উৰ্বশীয়ে ইনষ্টাগ্ৰাম ষ্ট'ৰীজত কোকিলাবেন ধীৰুভাই আম্বানী চিকিৎসালয় আৰু চিকিৎসা গৱেষণা প্ৰতিষ্ঠানখনৰ এখন ফটো শ্বেয়াৰ কৰে য'ত ক্ৰিকেটাৰজনক বুধবাৰে ডেৰাডুনৰ মেক্স হস্পিটেলৰ পৰা এয়াৰ-লিফ্ট কৰা হৈছিল(Urvashi Rautela shares ambani hospital pic) । উৰ্বশীয়ে স্পষ্ট কৰা নাই যে তেওঁ ক্ৰিকেটাৰজনক সাক্ষাৎ কৰিছিল নে নাই । কিন্তু তেওঁ পোষ্টটো শ্বেয়াৰ কৰাৰ পিছতেই ছচিয়েল মিডিয়াত ভাইৰেল হৈ পৰিছিল আৰু অনুৰাগীসকলে অনুমান কৰিবলৈ আৰম্ভ কৰিছিল যে অভিনেত্ৰীগৰাকীয়ে পন্তক চিকিৎসালয়ত সাক্ষাৎ কৰিছে(Urvashi Rautela Rishabh pant news ) ।
উল্লেখ্য যে, ৩০ ডিচেম্বৰত পথ দুৰ্ঘটনাত পতিত হোৱাৰ পিছত ডেৰাডুনত চিকিৎসা গ্ৰহণ কৰি থকা ঋষভক এয়াৰ এম্বুলেন্সত মুম্বাইলৈ অনা হৈছিল(rishabh pant car accident) । জানিব পৰা গৈছিল যে তেওঁ গাড়ীখনত অকলে আছিল আৰু দুৰ্ঘটনাটো সংঘটিত হোৱাৰ সময়ত তেওঁ টোপনি গৈছিল বুলি জনা গৈছে । ক্ৰিকেটাৰজন ৩০ ডিচেম্বৰত এক মাৰাত্মক দুৰ্ঘটনাৰ পৰা ৰক্ষা পৰিছিল । শৰীৰ কিছু অংশ অগ্নিদগ্ধ হোৱাৰ বাবে প্লাষ্টিক চাৰ্জাৰীৰ পৰামৰ্শ দিছিল চিকিৎসকে । দিল্লীৰ পৰা ৰুৰকীলৈ উভতি অহাৰ সময়ত তেওঁ দুৰ্ঘটনাটোৰ সন্মুখীন হৈছিল । তেওঁৰ গাড়ীখনে হাম্মাদপুৰ ঝালৰ ওচৰৰ ৰুৰকীৰ নৰচান সীমান্তৰ ডিভাইডাৰত খুন্দা মাৰিছিল ।
ইফালে, পন্তৰ দুৰ্ঘটনাৰ পিছত এইটো উৰ্বশীৰ দ্বিতীয়টো গোপনীয় পোষ্ট । ইয়াৰ পূৰ্বে তেওঁ টুইটাৰত "Praying for you" বুলি এক বাৰ্তাৰ সৈতে এখন ফটো আপলোড কৰিছিল । যিটো পোষ্ট অনুৰাগীসকলে ঋষভৰ বাবে বুলি সন্দেহ কৰিছিল । কোনো ব্যক্তিৰ নাম উল্লেখ নকৰাকৈ উৰ্বশীয়ে টুইটাৰৰ জৰিয়তে লিখিছিল, "মই আপোনাৰ আৰু আপোনাৰ পৰিয়ালৰ সুস্থতাৰ বাবে প্ৰাৰ্থনা কৰোঁ" । উল্লেক্ষণীয় যে উৰ্বশী সন্দৰ্ভত এক উৰাবাতৰি আৰম্ভ হৈছিল যে ঋষভ আৰু উৰ্বশীক ২০১৮ চনত মুম্বাইৰ বহুতো জনপ্ৰিয় ৰেষ্টুৰেণ্ট, পাৰ্টি আৰু বিভিন্ন অনুষ্ঠানত একেলগে প্ৰৱেশ আৰু প্ৰস্থান কৰা দেখা গৈছিল ।
ইয়াৰ উপৰিও দুয়ো ডেটিঙতো গৈছিল বুলি প্ৰকাশ পাইছিল বাতৰি । কিছুদিন পিছত একেটা বছৰতে এক প্ৰতিবেদনত দাবী কৰা হৈছিল যে দুয়োজনে ইজনে সিজনক হোৱাটছএপত ব্লক কৰিছে । ২০১৯ চনত ঋষভ পন্তে এই উৰাবাতৰিবোৰ নস্যাৎ কৰি তেওঁৰ প্ৰেমিকা ঈশা নেগীৰ সৈতে তেওঁৰ সম্পৰ্কৰ কথা ঘোষণা কৰে । ঋষভে ইনষ্টাগ্ৰামত ঈশাৰ সৈতে এখন ফটো শ্বেয়াৰ কৰিছিল আৰু ঈশাৰ বাবে লিখিছিল, "কেৱল আপোনাক সুখী কৰিব বিচাৰো, কাৰণ মই বহুত সুখী হোৱাৰ কাৰণ হৈছে আপুনি ।"
