চিটাৰা ডেস্ক, 24 জুন: বলীউডৰ সুন্দৰী অভিনেত্ৰী উৰ্বশী ৰাউটেলা বৰ্তমান ছ’চিয়েল মিডিয়াত চৰ্চিত । শেহতীয়াকৈ অভিনেত্ৰীগৰাকীক World’s Most Eligible Bachelorette বঁটাৰে সন্মানিত কৰা হৈছে। ছ’চিয়েল মিডিয়াৰ জৰিয়তে অনুৰাগীক এই ভাল খবৰটো দিছিল খোদ উৰ্বশীয়ে । এতিয়া আকৌ এবাৰ ছ’চিয়েল মিডিয়াত চৰ্চাৰ বিষয় হৈ পৰিছে উৰ্বশী । আচলতে উৰ্বশীয়ে ছ’চিয়েল মিডিয়াত এটা পোষ্ট শ্বেয়াৰ কৰিছে । এই পোষ্টটোত অভিনেত্ৰীগৰাকীক অতি চিন্তিত আৰু বিচলিত যেন দেখা গৈছে।
ঘটনাৰ বিৱৰণী অনুসৰি এই পোষ্টটোত অভিনেত্ৰীগৰাকীয়ে ফ্লাইটত নিজৰ দুটা আইফোন পাহৰি যোৱাৰ কথা উল্লেখ কৰিছে । এই সন্দৰ্ভত উৰ্বশীয়ে এই পোষ্টটোৰ জৰিয়তে অনুৰোধ জনাইছে যে তেওঁৰ মোবাইল ফোন দুটা অতি সোনকালে তেওঁক ডেলিভাৰী দিব লাগে ।
উৰ্বশীয়ে নিজৰ পোষ্টত লিখিছে, ‘প্ৰিয় বিস্তাৰা, মই মোৰ আইফোন দুটা UK772 বিমানত পাহৰি আহিছো ৷ এয়া আজিৰ কথা ৷ মই মোৰ পিতৃ-মাতৃৰ সৈতে এই বিমানত আছিলো ৷ এই মোবাইল দুটা সঠিক স্থানলৈ পঠিয়াব পাৰিব নে, আপোনাৰ সহায় আন্তৰিকতাৰে শলাগ লোৱা হ’ব । Lost and found ।’
উল্লেখ্য যে উৰ্বশী ৰাউটেলাক বিমানবন্দৰত গোলাপী কৰ্চেটৰ ওপৰত ক’লা-বগা কনট্ৰাষ্ট প্ৰিণ্টেড স্কাৰ্ট পৰিধান কৰা দেখা গৈছিল । উৰ্বশী ৰাউটেলাক এয়াৰপৰ্ট লুকত অতি সুন্দৰ দেখা পোৱা গৈছে ৷
উৰ্বশীৰ ৱৰ্কফ্ৰন্টৰ কথা ক’বলৈ গ’লে ১৮ মে’ত অটিটিত মুক্তি লাভ কৰিছিল ৱেজ ছিৰিজ ‘ইন্সপেক্টৰ অবিনাশ’ । এই ছবিখনত উৰ্বশীয়ে ইন্সপেক্টৰ অবিনাশৰ চৰিত্ৰত অভিনয় কৰা ৰনদীপ হুডাৰ পত্নীৰ চৰিত্ৰত অভিনয় কৰিছিল । এইখন এখন থ্ৰিলাৰ ধাৰাবাহিক, য’ত উৰ্বশীৰ কামৰ প্ৰশংসা কৰা হৈছিল ।
