চিটাৰা ডেস্ক, 15 আগষ্ট: বিবেক অগ্নিহোত্ৰীৰ আটাইতকৈ প্ৰত্যাশিত ছবি ‘দ্য ভেকচিন ৱাৰ’ৰ টিজাৰ মুকলি । ‘দ্য কাশ্মীৰ ফাইলছ’ৰ পিচতে পৰিচালক বিবেক অগ্নিহোত্ৰী ভেকচিনৰ ওপৰত এখন ছবি নিৰ্মাণ কৰাৰ কথা ঘোষণা কৰিছিল । কথা মতেই কাম, এতিয়া সেই প্ৰতিশ্ৰুতি পূৰণ কৰিছে পৰিচালকগৰাকীয়ে । আজি স্বাধীনতা দিৱসৰ বিশেষ ক্ষণ উপলক্ষে এই ছবিখনৰ টিজাৰ মুকলি কৰা হৈছে। য’ত ছবিখনৰ এক বিশেষ আভাস দেখা পোৱা গৈছে ।
টিজাৰত দেখা গৈছে লেবত ভেকচিন প্ৰস্তুত কৰাৰ আভাস
বিবেক অগ্নিহোত্ৰীয়ে তেওঁৰ আগন্তুক ছবি ‘দ্য ভেকচিন ৱাৰ’ৰ কথা ঘোষণা কৰাৰ পিছৰে পৰা ছবিখনক লৈ দৰ্শকৰ উৎসাহ বাঢ়িছে । বিজ্ঞানী আৰু ১৩০ কোটি দেশবাসীৰ বিজয়ৰ ওপৰত আধাৰত নিৰ্মাণ কৰা হৈছে ছবিখন । আজি মুকলি কৰা হৈছে ছবিখনৰ টিজাৰ, টিজাৰ আৰম্ভ হৈছে লেবৰ পৰা য’ত প্ৰস্তুত কৰা হয় ভেকচিন । আনহাতে, টিজাৰটোত বিজ্ঞানীৰ এটা দলে লিফ্টৰ ফালে খোজ কাঢ়ি যোৱা দেখা গৈছে, যিসকলে ভেকচিন প্ৰস্তুতৰ বাবে অতি গোপন প্ৰক্ৰিয়া কৰি থকা দেখা গৈছে । ইয়াৰ পিচত দলটোৱে লিফ্টত সোমাই পিছলৈ ঘূৰি চোৱাৰ লগে লগে, টিজাৰটোত বিজ্ঞানীৰ চৰিত্ৰত অভিনয় কৰা পল্লৱ যোশীৰ আৰু তেওঁৰ সহায়কসকলৰ চৰিত্ৰত অভিনয় কৰা প্ৰথম আভাস দেখা যায় ।
১০টা ভাষাত মুক্তি পাব এই ছবিখন
এই ছবিখনত মুখ্য চৰিত্ৰত অভিনয় কৰিছে পল্লৱ যোশীয়ে । একে সময়তে নানা পাটেকাৰ আৰু সপ্তমীৰ দৰে তাৰকাকো এই ছবিখনত মুখ্য চৰিত্ৰত দেখা যাব । ইয়াৰ লগতে এইখন প্ৰথমখন ছবি যিখন ১০টা ভিন্ন ভাষাত মুক্তি পাব ।
‘এই ছবিখনে ভেকচিন যুদ্ধৰ সত্য কাহিনী দৰ্শকৰ আগত দাঙি ধৰিব’
টিজাৰটো মুক্তি পোৱাত সুখ প্ৰকাশ কৰি অভিনেত্ৰী তথা প্ৰযোজক পল্লৱ যোশীয়ে কয়, ‘‘ভেকচিন ৱাৰ’ এখন অতি বিশেষ ছবি যিয়ে ভেকচিন যুদ্ধৰ সত্য কাহিনী ক’ব। ভাইৰাছৰ বিৰুদ্ধে ই এক ঐক্যবদ্ধ যুঁজ আছিল । যিহেতু টিজাৰত ছবিখনৰ কিছুমান মূল মুহূৰ্ত বন্দী কৰা হৈছে, গতিকে আমি ছবিখনক বিশ্বৰ আগত উপস্থাপন কৰিবলৈ আৰু আমাৰ দেশৰ গৌৰৱক গৌৰৱেৰে প্ৰদৰ্শন কৰিবলৈ যথেষ্ট উৎসাহিত হৈ আছো ।"
উল্লেখ্য যে, অনুপম খেৰ, নানা পাটেকাৰ, সপ্তমী গৌড়া আৰু পল্লৱ যোশীক বিবেক ৰঞ্জন অগ্নিহোত্ৰীৰ পৰিচালিত ‘দ্য ভেকচিন ৱাৰ’ত মুখ্য চৰিত্ৰত দেখা যাব । এই ছবিখন ২০২৩ চনৰ ২৮ ছেপ্টেম্বৰত মুক্তি পাব ।
