চিটাৰা ডেস্ক, 19 এপ্ৰিল : দুবছৰৰ অন্তৰালত দেওবাৰে বাবা ছিদ্দিকীৰ ঘৰত অনুষ্ঠিত হৈছিল ইফতাৰ পাৰ্টী (Baba Siddique's iftaar party)৷ এই ইফতাৰ পাৰ্টীলৈ আহিছিল বলীউডৰ বহু গণ্য মান্য তাৰকা ৷ উক্ত পাৰ্টীতেই বলীউডৰ বাদশ্বাহৰ লগ পাই আত্মহাৰা হৈ পৰিছিল জনপ্ৰিয় তাৰকা শ্বেহনাজ গীল ৷ সামাজিক মাধ্যমত এই ইফতাৰ পাৰ্টীৰ এটা ভিডিঅ’ সাংঘাতিক ধৰণে শ্বেয়াৰ হৈছে (Bollywood stars iftaar party) ৷
ভিডিঅ’টোত শ্বেহনাজক শ্বাহৰুখৰ সৈতে এক অন্তৰংগ আলাপৰ মূহুৰ্তত দেখা গৈছে ৷ বলীউডৰ বাদশ্বাহ শ্বাহৰুখক আলিংগন কৰাৰ সুখানুভূতি স্পষ্টকৈ ফুটি উঠা দেখা গৈছে শ্বেহনাজৰ মুখত ৷ অনুষ্ঠানটোলৈ শ্বেহনাজে পেষ্টেল গ্ৰে’ ৰঙৰ চিকুইণ্ড চেলৱাৰ চুট পৰিধান কৰি গৈছিল ৷ সাজটোৰ সৈতে মিলাই এখন দোপাট্টা লোৱা শ্বেহনাজে গহনা হিচাপে পৰিধান কৰিছিল এযোৰ গধুৰ ঝুমকা ৷ আনহাতে শ্বাহৰুখক দেখা গ’ল ক’লা ৰঙৰ এটা পাঠানী চুটত ৷
সামাজিক মাধ্যমত প্ৰচাৰ হোৱা এই ভিডিঅ’টো নেটিজেনে সাংঘাতিক ধৰণে পছন্দ কৰিছে ৷ ইজনে সিজনক মৰমেৰে জনোৱা এই সম্ভাষণে দৃষ্টি কাঢ়িছে সকলোৰে ( Shehnaaz SRK at Baba Siddique's iftaar party) ৷ শ্বাহৰুখ শ্বেহনাজৰ উপৰিও ছলমান খান, সঞ্জয় দত্ত, চাংকি পাণ্ডে, কৰণ সিং গ্ৰোভাৰ, ৰাকুল প্ৰীত সিং, শিল্পা শেট্টী, আলি গোনী, জেচমিন ভাছিনকে আদি কৰি সকলো তাৰকাৰে সমাহাৰ ঘটিছিল অনুষ্ঠানটোত ৷
- " class="align-text-top noRightClick twitterSection" data="
">
বাবা ছিদ্দিকীৰ বাৰ্ষিক ইফতাৰ পাৰ্টী বলীউডৰ আটাইতকৈ চৰ্চিত অনুষ্ঠানসমূহৰ ভিতৰত এটা (Baba Siddique iftaar party)। এই পাৰ্টীটোৱে শ্বাহৰুখ-ছলমানৰ অনুৰাগীসকলৰ মাজত এক বিশেষ স্থান দখল কৰি আছে ৷ কিয়নো ইয়াতেই দুয়োজন চুপাৰষ্টাৰে ২০১৪ চনত ইজনে সিজনক আলিংগন কৰি তেওঁলোকৰ পুৰণি সংঘাত সমূহ পাহৰি পুনৰ বন্ধুত্বৰ দিশে আগবাঢ়িছিল ৷
লগতে পঢ়ক: দ্য আৰ্চিছৰ শ্বুটিং আৰম্ভ; আত্মপ্ৰকাশ কৰিব সুহানা খান-খুশি কাপুৰ-অগস্ত্য নন্দাই
