চিটাৰা ডেস্ক, 12 ডিচেম্বৰ : সোমবাৰ, 12 ডিচেম্বৰত প্ৰয়াত অভিনেতা সিদ্ধাৰ্থ শুক্লাৰ জন্ম বাৰ্ষিকী ৷ এই বিশেষ দিনটোত তেওঁৰ ঘনিষ্ঠ শ্বেহনাজ গীলে প্ৰয়াত অভিনেতাগৰাকীৰ এখন থ্ৰ’বেক ফটো শ্বেয়াৰ কৰি এক আৱেগিক বাৰ্তা শ্বেয়াৰ কৰিছে । শ্বেহনাজে নিজৰ ইনষ্টাগ্ৰাম ফিডত সিদ্ধাৰ্থৰ এখন ফটো পোষ্ট কৰিছে ৷
ফটোখন শ্বেয়াৰ কৰি তেওঁ লিখিছে, "মই তোমাক আকৌ লগ পাম । 12 12" ৷ শ্বেহনাজে নিজৰ ইনষ্টাগ্ৰাম ষ্ট’ৰীতো সিদ্ধাৰ্থৰ জন্ম তাৰিখৰ সৈতে কেকৰ ছবি লগতে তেওঁৰ কেইবাখনো ফটো শ্বেয়াৰ কৰিছে ।
অনুৰাগী আৰু তেওঁলোকৰ বন্ধুবৰ্গই নিজৰ আৱেগিক বাৰ্তাৰে কমেণ্ট ছেকচনটো উপচাই পেলায় । অভিনেতা কাশ্মীৰা শ্বাহে মন্তব্য দিছে এইদৰে, "হয় । আৰু তেওঁ সদায় আমাৰ সকলো হৃদয়তে জীয়াই থাকিব" ৷
এজন অনুৰাগীয়ে লিখিছে, "মই এতিয়াও বিশ্বাস কৰিব পৰা নাই যে এই মানুহজন আৰু নাই ...মই তেওঁক bb13 ত থকাৰ সময়ত সেই হাফ পেণ্ট পিন্ধি থকা হিচাপে কল্পনা কৰিছোঁ ৷ বিগ বছত তেওঁৰ কামবোৰ কৰি আমাৰ সকলোকে মনোৰঞ্জন দিছিল.... তেওঁৰ পিছত bb মাত্ৰ এটা সময় অতিবাহিত কৰা শ্ব’ হৈ পৰিছিল... আপুনি কিয় আমাৰ লগত এনেকুৱা কৰিলে ? এই যুটিটোৰ আন এজন অনুৰাগীয়ে লিখিছে, "তু হী চিড তু হে হে নাজ ডোনো মিলকে বানে হে #চিডনাজ" ৷
আন এটা মন্তব্যত লিখা আছিল, "কোনো শব্দই কেতিয়াও এনে এজন ব্যক্তিক হেৰুওৱাৰ বেদনা ব্যাখ্যা কৰিব নোৱাৰে যি আপোনাৰ বাবে পৃথিৱীসম আৰু সেই মানুহজন আঁতৰি যোৱাৰ পিছত এনে অনুভৱ হয় যেন জীৱনৰ সকলো ধেমালি তাতেই শেষ হৈ গ’ল" ৷
শেহতীয়াকৈ ডুবাইত অনুষ্ঠিত হোৱা ফিল্মফেয়াৰ মিডল ইষ্ট এচিভাৰ্ছ নাইটত তেওঁৰ বঁটা গ্ৰহণ কৰাৰ সময়ত শ্বেহনাজে প্ৰয়াত অভিনেতাগৰাকীক শ্ৰদ্ধাঞ্জলি জনায় । "মে এক বন্দে কো ধন্যবাদ বোলনা চাহতি হু ...ধন্যবাদ মেৰি লাইফ মে আনে কে লি ঔৰ মেৰপে ইতনা ইনভেষ্ট কিয়া কি আজ মে য়াহা টক পহচি হু...এই বঁটাটো আপোনাৰ বাবে সিদ্ধাৰ্থ শুক্লা", এইদৰে মন্তব্য কৰে গীলে ৷
- " class="align-text-top noRightClick twitterSection" data="
">
সিদ্ধাৰ্থ আৰু শ্বেহনাজৰ বিগ বছৰ ঘৰত থকাৰ সময়ত ঘনিষ্ঠতা বাঢ়িছিল যদিও তেওঁলোকে কেতিয়াও আনুষ্ঠানিকভাৱে তেওঁলোকৰ সম্পৰ্ক আছিল বুলি স্বীকাৰ কৰা নাছিল । সেই চিজনত সিদ্ধাৰ্থে জয়লাভ কৰে । যুটিটোৰ ধেমালিবোৰ জনসাধাৰণে ভাল পাইছিল, যিয়ে তেওঁলোকক চিডনাজ বুলি অভিহিত কৰিছিল ।
বিগ বছ অ’টিটি আৰু ডান্স দীৱান 3 ৰ দৰে ৰিয়েলিটী শ্ব’তো একেলগে অংশ লৈছিল দুয়োৱে ৷ Bhula Dunga আৰু Shona Shona ৰ মিউজিক ভিডিঅ’তো অভিনয় কৰিছিল চিডনাজে ।
আজি সিদ্ধাৰ্থ 41 বছৰীয় হ’লহেঁতেন । বালিকা বধুত তেওঁৰ ভূমিকাই হওক বা বিগ বছ 13 বিজয়ী হিচাপেই হওক, সিদ্ধাৰ্থ আছিল এনে এক চেনছেচন যিয়ে নিজৰ লাখ লাখ অনুগামীৰ হৃদয়ত গভীৰ স্থান দখল কৰিছিল আৰু 2 ছেপ্টেম্বৰত হৃদযন্ত্ৰৰ ক্ৰিয়া বন্ধ হৈ হঠাৎ হোৱা তেওঁৰ মৃত্যুৱে সৃষ্টি কৰা শূন্যতা আজিও অনুভৱ কৰে অনুৰাগীয়ে ৷
লগতে পঢ়ক : Sidharth Shukla: 17 বছৰ পূৰ্বে বিশ্বৰ শ্ৰেষ্ঠ মডেলৰ খিতাপ জয় কৰা প্ৰথম ভাৰতীয় আছিল সিদ্ধাৰ্থ শুক্লা
