চিটাৰা ডেস্ক, 4 ফেব্ৰুৱাৰী : ৰাজস্থানৰ জয়সালমেৰত বলীউড তাৰকা যুটি সিদ্ধাৰ্থ মালহোত্ৰা আৰু কিয়াৰা আদৱানী বিবাহপাশত আবদ্ধ হ’বলৈ সাজু হৈছে ৷ 5 ফেব্ৰুৱাৰীত সিদ্ধাৰ্থ-কিয়াৰাই বিবাহ স্থানত উপস্থিত হোৱাৰ বিপৰীতে পৰিয়ালবৰ্গ তথা সকলো ঘনিষ্ঠ বন্ধু-বান্ধৱী এদিন আগতে অৰ্থাৎ 4 ফেব্ৰুৱাৰীত জয়সালমেৰত উপস্থিত হ’ব । 150 জনীয়া আমন্ত্ৰিত অতিথিৰ তালিকাত কেটৰিণা কাইফ, বিকী কৌশলকে ধৰি ছলমানৰো নাম অন্তৰ্ভুক্ত আছে বুলি জানিব পৰা গৈছে ৷
- " class="align-text-top noRightClick twitterSection" data="
">
প্ৰতিবেদন অনুসৰি, অতিথিৰ তালিকাত প্ৰায় 150 জন সদস্য অন্তৰ্ভুক্ত আছে, যাৰ ভিতৰত ছবি জগতৰ কিছু সংখ্যক তাৰকায়ো এই হাই-প্ৰফাইল বিয়াখনত অংশগ্ৰহণ কৰিব (Sidharth Malhotra Kiara Advani wedding)। জয়সালমেৰৰ পৰা প্ৰায় 16 কিলোমিটাৰ দূৰত অৱস্থিত সূৰ্যগড় পেলেচ হোটেলত সিদ্ধাৰ্থ আৰু কিয়াৰাৰ বিয়াৰ প্ৰস্তুতি পূৰ্ণগতিত চলি আছে ।
- " class="align-text-top noRightClick twitterSection" data="
">
সিদ্ধাৰ্থ আৰু কিয়াৰাই এতিয়াও বিয়াৰ বাতৰি সন্দৰ্ভত একো নিশ্চিত মন্তব্য কৰা নাই যদিও এতিয়ালৈকে পোৱা খবৰ অনুসৰি এই দম্পতীহালে চলচ্চিত্ৰ উদ্যোগটোৰ ঘনিষ্ঠ বন্ধুসকলক তেওঁলোকৰ বিয়ালৈ নিমন্ত্ৰণ কৰিছে । প্ৰচাৰ হৈ থকা বাতৰিসমূহৰ মতে পৰিয়ালৰ লোকৰ বাহিৰেও কৰণ জোহৰ, শ্বাহিদ কাপুৰ, কেটৰিণা আৰু বিকী কৌশল, ফেশ্বন ডিজাইনাৰ মনীষ মালহোত্ৰা আৰু মুকেশ আম্বানীৰ কন্যা ঈশা আম্বানীৰ দৰে চেলেব্ৰিটী সকলক নিমন্ত্ৰণ জনোৱা হৈছে । কিয়াৰাৰ সৈতে ভাল সম্পৰ্ক থকা ছলমান খানেও ৰাজস্থানত অনুষ্ঠিত হ’বলগীয়া এই বিয়াখনত অংশগ্ৰহণ কৰাৰ সম্ভাৱনা আছে ।
- " class="align-text-top noRightClick twitterSection" data="
">
খবৰ অনুসৰি সিদ্ধাৰ্থ-কিয়াৰাৰ এই বহু চৰ্চিত বিয়াখনৰ পৰিকল্পনা কৰিছে মুম্বাইৰ এটা কোম্পানীয়ে । উক্ত বিয়াখনলৈ নিমন্ত্ৰণ পোৱা অতিথিসকলৰ নিৰাপত্তা নিৰীক্ষণৰ বাবেও আয়োজকসকলে বিশেষ নিৰাপত্তাৰ ব্যৱস্থা কৰিছে । শ্বাহৰুখ খানৰ প্ৰাক্তন দেহৰক্ষী য়াছিনে নিৰাপত্তা ব্যৱস্থা নিৰীক্ষণ কৰি আছে ।
পূৰ্বে প্ৰকাশ পোৱা অনুসৰি 6 ফেব্ৰুৱাৰীত কিয়াৰা-সিদ্ধাৰ্থ বিবাহপাশত আবদ্ধ হ’ব । হোটেলখনত অতিথিৰ বাবে 84 টা বিলাসী কোঠা বুকিং কৰা হৈছে । একে সময়তে অতিথিসকলৰ বাবে 70 খন বিলাসী বাহনৰ বুকিং কৰা হৈছে । ইয়াৰ ভিতৰত আছে মাৰ্চিডিজ, জাগুৱাৰ আৰু বিএমডব্লিউ । এই বাহনসমূহৰ ঠিকা দিয়া হৈছে জয়ছালমেৰৰ সৰ্ববৃহৎ ট্যুৰ অপাৰেটৰ লাকী ট্যুৰ এণ্ড ট্ৰেভেলছক ।
লগতে পঢ়ক : Masaba Gupta shared special post: পিতৃ-মাতৃ আৰু ষ্টেপফাডাৰৰ বাবে মাচাবা গুপ্তাই শ্বেয়াৰ কৰিছে বিশেষ পোষ্ট
