চিটাৰা ডেস্ক, 14 নৱেম্বৰ: বিগ বছ 13 ৰ পিচত শ্বেহনাজ গিল প্ৰতিটো ঘৰতে জনপ্ৰিয় হৈ পৰিছে । এই টিভি শ্ব’টোৰ পিচতে যেন ভাগ্য সলনি হৈ পৰে শ্বেহনাজৰ ৷ ইটোৰ পিচত সিটোকৈ কাম পাবলৈ লয় অভিনেত্ৰীগৰাকীয়ে ৷ সেয়ে প্ৰায়ে শ্বেহনাজে নিজৰ কামত ব্যস্ত হৈ থকা দেখা যায় ৷ কিন্তু সদায় কামত ব্যস্ত থকা শ্বেহনাজ গিল বৰ্তমান কামৰ পৰা বিৰতি লৈছে । কামৰ পৰা বিৰতি লৈ উত্তৰাখণ্ডৰ পাহাৰীয়া ঠাইলৈ ভ্ৰমণ কৰিবলৈ গৈছে অভিনেত্ৰীগৰাকী । শেহতীয়াকৈ অভিনেত্ৰীগৰাকীয়ে বদ্ৰীনাথ ধাম দৰ্শন কৰিছিল । বদ্ৰীনাথ ভ্ৰমণ কৰাৰ পিচতে ছ’চিয়েল মিডিয়াতো কিছু ছবি শ্বেয়াৰ কৰিছে শ্বেহনাজে ।
এই পৰ্যন্ত অনুৰাগীয়ে ভাবি আছিল যে শ্বেহনাজ অকলেই বদ্ৰীনাথ ধাম দৰ্শন কৰিবলৈ গৈছে । কিন্তু নহয়, শ্বেহনাজৰ এই ভ্ৰমণত তেওঁৰ সৈতে উপস্থিত আছিল এজন বিশেষ ব্যক্তি ৷ হয়, শ্বেহনাজৰ লগতে তেওঁৰ কথিত প্ৰেমিক ৰাঘৱ জুয়ালো বদ্ৰীনাথ ধামলৈ গৈছে। সম্প্ৰতি ভাইৰেল হৈ পৰিছে বদ্ৰীনাথ ধামৰ পৰা শ্বেহনাজ আৰু ৰাঘৱৰ এটা ভিডিঅ’, য’ত শ্বেহনাজে নিজৰ মুখখন লুকুৱাই ৰখা দেখা গৈছে ।
-
#RaghavJuyal pic.twitter.com/FOFYKr0AVH
— Raghav juyal Team (@Raghav_Updates) November 7, 2023 " class="align-text-top noRightClick twitterSection" data="
">#RaghavJuyal pic.twitter.com/FOFYKr0AVH
— Raghav juyal Team (@Raghav_Updates) November 7, 2023#RaghavJuyal pic.twitter.com/FOFYKr0AVH
— Raghav juyal Team (@Raghav_Updates) November 7, 2023
ৰাঘৱ জুৱাল আৰু শ্বেহনাজ গিলক এই বছৰৰ আৰম্ভণিতে মুক্তি পোৱা ছবি কিছি কা ভাই কিছি কি জানত দেখা পোৱা গৈছিল ৷ এই ছবিখনৰ সময়ৰ পৰাই তেওঁলোকৰ ডেটিঙৰ খবৰ পোহৰলৈ আহিছিল । দুয়োকে প্ৰায়ে একেলগেও দেখা পোৱা গৈছিল । যদিও দুয়োগৰাকীয়ে ইগৰাকীয়ে সিগৰাকীক কেৱল ভাল বন্ধু বুলি হে কয় ।
ভাইৰেল হৈ পৰিল বদ্ৰীনাথৰ ভিডিঅ’
ছ’চিয়েল মিডিয়াত ভাইৰেল হৈ পৰিছে ৰাঘৱৰ এটা ভিডিঅ’। য’ত তেওঁক মন্দিৰ দৰ্শন কৰা দেখা গৈছে । ভিডিঅ’টোত তেওঁৰ লগত থিয় হৈ থকা এগৰাকী মহিলাই মাফলাৰেৰে মুখখন লুকুৱাই ৰখা দেখা গৈছে । বদ্ৰীনাথৰ পৰা শ্বেহনাজে শ্বেয়াৰ কৰা শেহতীয়া ফটোবোৰত মাফলাৰ আৰু নীলা জেকেট পৰিধান কৰা দেখা পোৱা গৈছিল, ইফালে মুখখন লুকুৱাই ৰখা মহিলাগৰাকীয়েও শ্বেহনাজৰ দৰেই একেই সাজ-পোছাক পৰিধান কৰিছিল ।
লগতে পঢ়ক: Shehnaaz Gill at Badrinath Temple: বদ্ৰীনাথ ধাম দৰ্শন শ্বেহনাজ গিলৰ, চাওক ফটো
