চিটাৰা ডেস্ক, 1 আগষ্ট: ‘বিগ বছ ১৩’ ত অংশগ্ৰহণ কৰি মনোৰঞ্জন জগতৰ অন্যতম জনপ্ৰিয় অভিনেত্ৰী হৈ পৰিল শ্বেহনাজ কৌৰ গিল । শ্বেহনাজৰ ভাতৃ শ্বেহবাজকো দেখা পোৱা গৈছিল বিগ বছ হাউচত ৷ বিগ বছত এই ভাতৃ-ভগ্নীৰ যুটিটোক পছন্দ কৰিছিল সকলোৱে ৷ অৱশ্যে শ্বেহনাজে ভাতৃ শ্বেহবাজক অতি মৰম কৰে ৷ সেয়াহে শ্বেহনাজে শেহতীয়াকৈ শ্বাহবাজক এটা বিলাসী বাহন উপহাৰ দিছে ৷ এই বিলাসী বাহনখনৰ মূল্য জানিলে আচৰিত হ’ব আপুনি।
শ্বেহনাজ কৌৰ গিলে ভাতৃ শ্বাহবাজক উপহাৰ দিলে বিলাসী বাহন
গায়ক তথা ইউটিউবাৰ শ্বাহবাজে নিজৰ ইনষ্টাগ্ৰাম একাউণ্টত এটা ভিডিঅ’ পোষ্ট কৰিছে য’ত তেওঁ নিজৰ বিলাসী বাহনখনৰ আভাস শ্বেয়াৰ কৰিছে। ভিডিঅ’টোত শ্বাহবাজে শ্ব’ৰুমত নিজৰ নতুন মাৰ্চিডিজ বেঞ্জ ই-ক্লাছখন প্ৰকাশ কৰা দেখা গৈছে । ভিডিঅ’টোত শ্বাহবাজে নতুন বাহনখনৰ সৈতে মিল থকা ক’লা ৰঙৰ সাজ-পোছাক পৰিধান কৰা দেখা পোৱা গৈছে ৷ চকলেট কেকেৰে সজাই তোলা এখন টেবুলো ভিডিঅ’টোত দেখা গৈছে। কেকত লিখা আছে "অভিনন্দন"। এই ভিডিঅ’টোৰ কেপচনত শ্বাহবাজে প্ৰকাশ কৰিছে যে তেওঁৰ মৰমৰ ভগ্নী শ্বেহনাজ গিলে তেওঁক এই বিলাসী বাহনখন উপহাৰ দিছে । তেওঁ লিখিছে, "নতুন বাহনখনৰ বাবে ধন্যবাদ ভগ্নী শ্বাহনাজ গিল।"
শ্বেহনাজে ভাতৃক উপহাৰ দিয়া বাহনখনৰ মূল্য কিমান জানানে ?
শ্বাহনাজ গিলে ভাতৃ শ্বাহবাজক উপহাৰ দিয়া বাহনখনৰ কথা ক’বলৈ গ’লে বজাৰৰ মূল্য অনুসৰি শ্বাহবাজৰ নতুন বাহন মাৰ্চিডিজ বেঞ্জ ই ক্লাছৰ মূল্য ৭৪.৯৫ লাখৰ পৰা ৮৮.৮৬ লাখ টকাৰ ভিতৰত। বিলাসী বাহনখনৰ তিনিটা ভেৰিয়েন্ট আছে - এক্সপ্ৰেছন, এক্সক্লুছিভ আৰু এএমজি লাইন । বাহনখনত ডি আৰ এলৰ সৈতে নতুন হাই-পাৰফৰমেন্স এল ই ডি হেডলেম্প আছে ।
শ্বেহনাজ গিলৰ ৱৰ্ক ফ্ৰন্ট
২০১৫ চনত ‘শিৱ দি কিতাব’ৰ জৰিয়তে নিজৰ কেৰিয়াৰ আৰম্ভ কৰিছিল শ্বেহনাজ গিলে । বিগ বছ ১৩ৰ আটাইতকৈ জনপ্ৰিয় প্ৰতিযোগী আছিল শ্বেহনাজ । বিগ বছৰ হাউচত থকাৰ সময়ত শ্বেহনাজৰ প্ৰথমটো একক গীত ‘ভেহাম’ মুক্তি পাইছিল । শেহতীয়াকৈ অভিনেত্ৰীগৰাকীয়ে বলীউডৰ ছুপাৰষ্টাৰ ছলমান খানৰ সৈতে ‘কিছি কা ভাই কিছি জান’ ছবিৰে হিন্দী চলচ্চিত্ৰ জগতত আত্মপ্ৰকাশ কৰিছিল ৷ বৰ্তমান অভিনেত্ৰীগৰাকীৰ নোৰা ফাতেহী, জন আব্ৰাহাম আৰু ৰিতেশ দেশমুখৰ লগতে ৰিয়া কাপুৰৰ সৈতে এখন ছবি আছে ।
