চিটাৰা ডেস্ক, 24 অক্টোবৰ: আজি দশেৰা উপলক্ষে বলীউডৰ অভিনেতা শ্বাহিদ কাপুৰে অনুৰাগীক দিলে উপহাৰ । ঘোষণা কৰিছে অভিনেতাগৰাকীয়ে তেওঁৰ নতুন ছবি ‘দেৱা’ । ছ’চিয়েল মিডিয়াৰ জৰিয়তে শ্বাহিদে ছবিখনৰ প্ৰথম লুক শ্বেয়াৰ কৰিছে । আকৌ এবাৰ চকলেট বয়ৰ পৰা আঁতৰি ছবিখনত কবিৰ সিঙৰ দৰে লুকত দেখা যাব অভিনেতাগৰাকীক । এই ছবিখনৰ নাম আৰু তাৰকা অভিনেতা সম্পৰ্কেও তথ্য লাভ কৰা হৈছে । ইণ্টাৰনেটত শ্বাহিদৰ নতুন প্ৰজেক্টক লৈ অনুৰাগীসকল অতিশয় উৎসাহিত হৈ পৰিছে ।
আজি ঘোষণা কৰা হৈছে শ্বাহিদ কাপুৰৰ পৰৱৰ্তী ছবি ‘দেৱা’। অভিনেতাগৰাকীক ছবিখনৰ বাবে অতি হিংস্ৰ ৰূপত দেখা গৈছে । শ্বাহিদক দেখা গৈছে কবিৰ সিঙৰ লুকত । পিষ্টল আৰু ছানগ্লাছৰ সৈতে নিজৰ লুকটো সম্পূৰ্ণ কৰিছিল শ্বাহিদে । ইনষ্টাগ্ৰামত 'দেৱা'ৰ মুক্তিৰ তাৰিখ ঘোষণা কৰি শ্বাহিদ কাপুৰে লিখিছে, "২০২৪ চনৰ ১১ অক্টোবৰত দশেৰাত ছবিগৃহলৈ আহিব দেৱা ।"
‘দেৱা’ৰ বাকী তাৰকা অভিনেতাৰ কথা ক’বলৈ গ’লে পূজা হেগড়ে ছবিখনত মুখ্য চৰিত্ৰত অভিনয় কৰিব । ৰোশন এণ্ড্ৰুজৰ পৰিচালনাত নিৰ্মিত এই ছবিখন জি ষ্টুডিঅ’ৰ সহযোগত প্ৰযোজনা কৰিব সিদ্ধাৰ্থ ৰয় কাপুৰে । পূজা হেগড়েক এই দলটোলৈ আদৰণি জনোৱাৰ সময়তে ৰয় কাপুৰ ফিল্মছে অভিনেত্ৰীগৰাকীক অভিনন্দন জনাইছিল । ইফালে পূজা হেগড়ে আৰু শ্বাহিদৰ নতুন যুটিটোক লৈও উৎফুল্লিত হৈ পৰিছে অনুৰাগী ।
ইয়াৰ উপৰিও শ্বাহিদ কাপুৰ কৃতি সেননৰ সৈতে এটা প্ৰজেক্টৰ অংশ হ’ব । অৱশ্যে ছবিখনৰ নাম সন্দৰ্ভত এতিয়াও কোনো ঘোষণা কৰা হোৱা নাই ।
লগতে পঢ়ক: Raj Kundra on 'UT69: UT 69 ছবিখন নিৰ্মাণ কৰাৰ কথা কেনেকৈ মনলৈ আহিছিল ক’লে ৰাজ কুন্দ্ৰাই
