চিটাৰা ডেস্ক, 17 আগষ্ট: বলীউডৰ ‘বাদশ্বাহ’ শ্বাহৰুখ খানৰ অভিনীত ছবি ‘ৰইছ’ত মুখ্য চৰিত্ৰত অভিনয় কৰা পাকিস্তানী অভিনেত্ৰী মাহিৰা খানক লৈ এটা ভাল খবৰ আহিছে। অতি শীঘ্ৰেই বিবাহপাশত আৱদ্ধ হ’বলৈ গৈ আছে অভিনেত্ৰীগৰাকী ৷ ৰইছ ছবিৰ পিচত মাহিৰা খানৰ নাম বলীউডৰ অভিনেতা ৰণবীৰ কাপুৰৰ সৈতে জড়িত হৈ পৰিছিল । মাহিৰা খানৰ ৰণবীৰ কাপুৰৰ সৈতে হোৱা সাক্ষাৎকাৰৰ ছবি ছ’চিয়েল মিডিয়াত ভাইৰেল হৈ পৰে আৰু নিশাটোৰ ভিতৰতে চৰ্চাৰ বিষয় হৈ পৰে মাহিৰা খান । অৱশ্যে সেয়া সঁচা আছিল নে উৰাবাতৰি আছিল এই ক্ষেত্ৰত মাহিৰাই কোনোদিন প্ৰতিক্ৰিয়া প্ৰকাশ কৰা নাই ৷ কিন্তু এতিয়া অভিনেত্ৰীগৰাকীৰ বিষয়ে খবৰ পোৱা গৈছে যে অতি সোনকালে প্ৰেমিকৰ সৈতে বিবাহপাশত আৱদ্ধ হ’ব মাহিৰা ৷
উল্লেখ্য যে, এইগৰাকী পাকিস্তানী অভিনেত্ৰীৰ এয়া হ’ব দ্বিতীয় বিবাহ ৷ হয়, ৩৮ বছৰীয়া অভিনেত্ৰী মাহিৰা খানে নিজৰ দীৰ্ঘদিনীয়া প্ৰেমিক চেলিম কৰিমৰ স’তে বিবাহপাশত আৱদ্ধ হ’ব ৷ ২০০৭ চনত পাকিস্তানী অভিনেতা তথা পৰিচালক আলী আকছাৰীৰ সৈতে বিবাহপাশত আৱদ্ধ হৈছিল মাহিৰা ৷ কিন্তু ২০১৫ চনত দুয়োৰে বিবাহ বিচ্ছেদ হয়। এতিয়া মাহিৰাৰ জীৱনত আকৌ এবাৰ ঘূৰি আহিছে বসন্ত ।
মাহিৰা খানৰ দৰা কোন ?
মাহিৰাৰ চেলিম কৰিম নামৰ লোকজনৰ সৈতে বিবাহ হ’ব ৷ চেলিম হৈছে পাকিস্তানী ষ্টাৰ্টআপ চিম্পাইছাৰ চিইঅ’। এই নেটৱৰ্ক কেৰিয়াৰ বিলিং কোম্পানী চিম্পাইছা কৰাচীত আছে । ইয়াৰ উপৰিও চেলিম এজন ডিজেও হয় । মাহিৰা আৰু চেলিমে বহুদিনৰ পৰা সম্পৰ্কত আছে ৷
জানিব পৰা মতে অহা এমাহত অৰ্থাৎ ছেপ্টেম্বৰ মাহত মাহিৰা আৰু চেলিমৰ বিয়া হ’ব । এইটো হ’ব এক ব্যক্তিগত অনুষ্ঠান, য’ত কেৱল বিশেষ আত্মীয় আৰু পৰিয়ালৰ সদস্যহে উপস্থিত থাকিব । এই বিবাহ পাকিস্তানৰ পঞ্জাৱৰ পাহাৰীয়া ষ্টেচনত হ’ব ৷ অৱশ্যে এই সন্দৰ্ভত মাহিৰাই এতিয়াও কোনো প্ৰতিক্ৰিয়া প্ৰকাশ কৰা নাই ।
তাৎপৰ্যপূৰ্ণভাৱে ২০১৯ চনত চেলিম আৰু মাহিৰাৰ এংগেজমেণ্টৰ ছবি ছ’চিয়েল মিডিয়াত ভাইৰেল হৈছিল ৷ কিন্তু এই ক্ষেত্ৰতো মাহিৰাই কোনো প্ৰতিক্ৰিয়া প্ৰকাশ কৰা নাছিল ৷
লগতে পঢ়ক: Jawan Clash: হলীউডৰ এইখন ছবিৰ সৈতে মুখামুখী সংঘৰ্ষ কৰি শ্বাহৰুখ খানৰ জৱানে, ইয়াৰ ফলাফল কি হ’ব ?
