চিটাৰা ডেস্ক, 30 ছেপ্টেম্বৰ : সম্পূৰ্ণ হ’বলৈ আগবাঢ়িছে বলীউডৰ আন এক প্ৰেম কাহিনী । ৰিছা চড্ডা আৰু আলী ফৈজলে তেওঁলোকৰ সম্পৰ্কক নতুন নাম দিবলৈ ওলাইছে । দীৰ্ঘদিনীয়া প্ৰেমৰ সম্পৰ্কৰ পিছত ৰিছা আৰু আলী চিৰদিনৰ বাবে এক হৈ পৰিব 4 অক্টোবৰত (Richa Chadha Ali Fazal wedding) । কালি ৰিছাৰ হাতত লাগিছিল আলীৰ নামৰ মেহেন্দী । আজি দুয়োৱে শ্বেয়াৰ কৰিছে সংগীত অনুষ্ঠানৰ এখন ফটো । এই ফটোখনত ৰিছা আৰু আলীক বহুত গ্লেমাৰাছ দেখা গৈছে । বিয়াৰ হোৱাৰ সুখ দম্পতীহালৰ মুখত স্পষ্ট হৈ পৰিছে ।
ৰিছা চড্ডা আৰু আলী ফৈজলৰ বিয়াৰ অনুষ্ঠান আৰম্ভ হৈ গৈছে । দুয়োৱে ছ’চিয়েল মিডিয়াত সংগীত অনুষ্ঠানৰ ফটো নিজৰ অনুৰাগীসকলৰ বাবে শ্বেয়াৰ কৰিছে । ফটোখনত ৰোমান্টিক ভংগীমাত দেখা গৈছে দম্পতীহালক । এই ফটোখন শ্বেয়াৰ কৰি ৰিছাই কেপছনত লিখিছে - #RiAli Mohabbat Mubarak ❣️🫶🏽❣ ৷ ফটোখনত আলীয়ে হাতীদাঁত ৰঙৰ পাইজামা পিন্ধি থকাৰ বিপৰীতে ৰিছাই পিন্ধিছে পাতল গোলাপী ৰঙৰ লেহেংগা ।
- " class="align-text-top noRightClick twitterSection" data="
">
অনুৰাগীসকলে ৰিছা-আলীক অভিনন্দন জনাইছে । কমেণ্ট বক্সত অনুৰাগীৰ শুভেচ্ছাবাণীৰে ভৰি পৰিছে । শেহতীয়াকৈ বিবাহৰ বাবে ৰাজধানী দিল্লীত উপস্থিত হৈছিল দম্পতীহাল । ৰিছাই হাতত মেহেন্দীৰ ফটোও অনুৰাগীৰ সৈতে শ্বেয়াৰ কৰিছিল । পাৰ্লাৰৰ পৰা এই ফটো শ্বেয়াৰ কৰিছিল তেওঁ । ইয়াৰ পূৰ্বে দম্পতীহালে দিল্লীত উপস্থিত হোৱাৰ পিছত ছ’চিয়েল মিডিয়াত এটা ভিডিঅ’ শ্বেয়াৰ কৰিছিল । দুবছৰীয়া মহামাৰীয়ে তেওঁলোকৰ বিয়াত কেনে প্ৰভাৱ পেলাইছিল সেই বিষয়ে মুকলিকৈ কয় দুয়োৱে ।
- " class="align-text-top noRightClick twitterSection" data="
">
আলী আৰু ৰিছাই এটা ভিডিঅ’ শ্বেয়াৰ কৰে, য’ত দুয়োজনে তেওঁলোকৰ বিয়া পলম হোৱাৰ আঁৰৰ কাৰণ ব্যাখ্যা কৰে । দুয়োৱে আঢ়ৈ বছৰ আগতে তেওঁলোকৰ সম্পৰ্কক আনুষ্ঠানিক ৰূপ দিছিল আৰু এতিয়া বন্ধু আৰু পৰিয়ালৰ সৈতে তেওঁলোকৰ বিশেষ দিনটো উদযাপন কৰি আছে ৷ 4 অক্টোবৰত হ’বলগীয়া বিয়াখনৰ বাবে দুজনে অতি সোনকালে মুম্বাইলৈ ৰাওনা হ’ব (Richa Chadha Ali Fazal wedding date) । বাইকুলাৰ লাক্স ইভেণ্ট স্পেচলৈ ৰূপান্তৰিত 176 বছৰীয়া আইকনিক দ্য গ্ৰেট ইষ্টাৰ্ণ হোমত বিয়লি অনুষ্ঠিত হ’ব এই বিয়াখন ।
সূত্ৰ অনুসৰি, বিয়াখনত 40-50 জন লোক উপস্থিত থাকিব ৷ কেৱল ঘনিষ্ঠ বন্ধু-বান্ধৱী আৰু পৰিয়ালৰ লোকৰ উপস্থিতে হ’ব বিয়াখন । সন্ধিয়া মনোৰঞ্জন ক্ষেত্ৰখনৰ তেওঁলোকৰ বন্ধুবৰ্গৰ বাবে অভ্যৰ্থনা অনুষ্ঠান অনুষ্ঠিত হ'ব ।
লগতে পঢ়ক : Ranveer Singh latest news: দীপিকাৰে সৈতে বিচ্ছেদৰ সম্পৰ্কত মৌনতা ভংগ কৰিলে ৰণবীৰ সিঙে
