চিটাৰা ডেস্ক, 5 নৱেম্বৰ: শীঘ্ৰেই যুগ্ম জীৱনৰ পাতনি মেলিব বলীউডৰ জনপ্ৰিয় অভিনেতা ৰণদীপ হুদাই ৷ কিন্তু প্ৰশ্ন হয় কাৰ সৈতে ? দৰাচলতে অভিনেতা ৰণদীপ হুদা আৰু তেওঁৰ দীৰ্ঘদিনীয়া অভিনেত্ৰী-প্ৰেমিকা লিন লাইশ্ৰমৰ সৈতে শীঘ্ৰেই বিবাহপাশত আৱদ্ধ হ’ব ৷ লিন লাইশ্ৰমক শেহতীয়াকৈ সুজয় ঘোষৰ ‘জানে জান’ ছবিখনত দেখা পোৱা গৈছিল ।
খবৰ অনুসৰি ৰণদীপ হুদা আৰু লিন লাইশ্ৰমে এই মাহতেই, বিশেষভাৱে নৱেম্বৰৰ শেষৰ ফালে ব্যক্তিগত অনুষ্ঠানত বিবাহপাশত আৱদ্ধ হোৱাৰ পৰিকল্পনা কৰিছে । এক সূত্ৰই সঠিক তাৰিখ প্ৰকাশ নকৰিলেও এটা ৱেবলয়ডক নিশ্চিত কৰিছে যে এই বিবাহ অতি সীমিত লোকৰ উপস্থিতিত সম্পন্ন হ’ব, য’ত কেৱল ঘনিষ্ঠ বন্ধু আৰু পৰিয়ালৰ লোকহে উপস্থিত থাকিব ।
অৱশ্যে এই বিয়াখন মুম্বাইত নহয় আৰু এই দম্পতীৰ ঘনিষ্ঠ লোকসকলে বিয়াখনৰ বিষয়ে মৌনতা অৱলম্বন কৰিছে । নিজৰ জীৱনৰ সকলো বস্তু ব্যক্তিগত ৰাখি ভাল পোৱা ৰণদীপ হুদাই এই অনুষ্ঠানক ব্যক্তিগত কৰি ৰাখিবলৈ সংবাদ মাধ্যমৰ মনোযোগ এৰাই চলিব বিচাৰিছে । সূত্ৰ অনুসৰি বিয়াখন হোৱাৰ পিচতহে ঘোষণা কৰিব পাৰে ।
ৰণদীপ হুদাৰ বয়স ৪৭ বছৰ ইয়াৰ বিপৰীতে লিন লাইশ্ৰমৰ বয়স ৩৭ বছৰ ৷ দুয়োৱে সদায় সংবাদ মাধ্যমৰ তদন্তৰ পৰা নিজৰ সম্পৰ্ক ৰক্ষা কৰি আহিছে । অৱশ্যে সময়ৰ লগে লগে তেওঁলোকৰ ইনষ্টাগ্ৰাম পোষ্টে তেওঁলোকৰ সংযোগৰ বিষয়ে সূক্ষ্ম ইংগিত দিছে । তেওঁলোকৰ সম্পৰ্কৰ প্ৰথম ইংগিত ২০২১ চনত লিনৰ জন্মদিনত প্ৰকাশ পাইছিল যেতিয়া ৰণদীপে এটা আন্তৰিক বাৰ্তা পোষ্ট কৰিছিল, "Keep smiling in the sun... always. Happy Birthday @linlaishram (sic)." ৷
২০২২ চনত তেওঁলোকে দীপাৱলীৰ সময়ত পৰম্পৰাগত সাজ-পোছাক পৰিধান কৰা এখন ছবি শ্বেয়াৰ কৰিছিল ৷ ইয়াৰ পিচতে তেওঁলোকৰ সম্পৰ্কক লৈ জল্পনা-কল্পনা আৰু অধিক বৃদ্ধি পাইছিল । তাৰ পিছৰে পৰা দুয়োগৰাকীয়ে সঘনাই ইগৰাকীয়ে সিগৰাকীৰ সৈতে ছ’চিয়েল মিডিয়াত ফটো পোষ্ট কৰা দেখা গৈছিল ।
চলিত বৰ্ষৰ আৰম্ভণিতে ৰণদীপৰ জন্মদিনত লিনে তেওঁৰ সৈতে কিছুমান ছবি শ্বেয়াৰ কৰিছিল আৰু মৰমেৰে তেওঁক "মোৰ হট ফাজ (sic)" বুলি উল্লেখ কৰিছিল ।
ৰণদীপ হুদাৰ প্ৰেমিকা লিন লাইশ্ৰম কোন ?
ৰণদীপ হুদাৰ তথাকথিত প্ৰেমিকা লিন লাইশ্ৰমৰ জন্মস্থান মণিপুৰত ৷ অৱশ্যে লিন এগৰাকী প্ৰখ্যাত আন্তঃৰাষ্ট্ৰীয় মডেল আৰু অভিনেত্ৰীও । ৰাষ্ট্ৰীয় টেলিভিছনত সাঁতোৰৰ পোছাক পৰিধান কৰা প্ৰথমগৰাকী মণিপুৰী মডেল হিচাপে ইতিহাস ৰচনা কৰি গৃহ চহৰত বিতৰ্কৰ সৃষ্টি কৰিছিল লিনে । পিছলৈ লিনে নিউয়ৰ্কলৈ যোৱাৰ সাহস কৰে, য’ত তেওঁ কেইবাবছৰ এগৰাকী সফল প্ৰিন্ট আৰু ফেশ্বন মডেল হিচাপে কাম কৰাৰ পিচত অৱশেষত ভাৰতলৈ উভতি আহে ।
