চিটাৰা ডেস্ক, 13 নৱেম্বৰ: বিকি কৌশলৰ আগন্তুক ছবি ‘ছেম বাহাদুৰ’ বছৰটোৰ অন্যতম প্ৰত্যাশিত ছবি । এই বায়’পিক ছবিখনত বিকিয়ে পৰ্দাত ফিল্ড মাৰ্শ্বাল ছেম মানেকশ্ব’ৰ চৰিত্ৰত অভিনয় কৰা দেখা যাব । শেহতীয়াকৈ মুক্তি লাভ কৰিছে ছবিখনৰ ট্ৰেইলাৰ যিটো অনুৰাগীয়ে বহুত ভাল পাইছিল আৰু এতিয়া অনুৰাগীয়ে এই ছবিখনৰ মুক্তিৰ বাবে আগ্ৰহেৰে অপেক্ষা কৰি আছে ।
আজি নিৰ্মাতাই মুকলি কৰিছে ছবিখনৰ নতুন গীত ‘বড়তে চলো’ । এই গীতটো মুক্তিৰ পিচতে দৰ্শকৰ পৰা উৎকৃষ্ট সঁহাৰি লাভ কৰিছে ।
'ছেম বাহাদুৰ'ৰ নতুন গীত মুক্তি
দেশপ্ৰেমেৰে ভৰপূৰ ছেম বাহাদুৰৰ নতুন গীত 'বড়তে চলো' । যুদ্ধভিত্তিক ছবিখনৰ এই গীতটোৱে ভাৰতৰ প্ৰতি থকা ভক্তি প্ৰকাশ পাইছে । বিকি কৌশলৰ বেকগ্ৰাউণ্ড কণ্ঠৰে আৰম্ভ হয় গীতটি । য’ত তেওঁ কৈছে যে যুদ্ধ কৰাটো মোৰ কাম আৰু লগতে যুদ্ধত জয়ী হোৱাটোও মোৰ কাম । ইয়াৰ পিচত ছেম মানেকশ্ব’ৰ চৰিত্ৰত বিকি কৌশলে তেওঁৰ বেটেলিয়নক অনুপ্ৰাণিত কৰি কয় যে আমি এই দিনটোৰ বাবেই সাজু হৈছো ।
শংকৰ মহাদেৱন, বিশাল দাদলানী আৰু দিব্য কুমাৰে এই গীতটিত কণ্ঠদান কৰিছে । 'বড়তে চলো'ৰ সংগীত ৰচনা কৰিছে শংকৰ এহছান লয়ে আনহাতে ইয়াৰ কথা লিখিছে কিংবদন্তি গুলজাৰে । অনুৰাগীয়ে এই গীতটি যথেষ্ট ভাল পাইছে আৰু সামাজিক মাধ্যমত এই গীতটিৰ প্ৰশংসা কৰিছে ।
কেতিয়া মুক্তি পাব 'ছেম বাহাদুৰ' ?
উল্লেখ্য যে, মেঘনা গুলজাৰৰ পৰিচালনাত নিৰ্মাণ কৰা হৈছে ‘ছেম বাহাদুৰ’ ছবিখন । ছবিখনত মুখ্য চৰিত্ৰত অভিনয় কৰিছে বিকি কৌশলে আৰু পত্নী চিলুৰ চৰিত্ৰত অভিনয় কৰিছে সন্যা মালহোত্ৰাই । ছবিখনত ইন্দিৰা গান্ধীৰ চৰিত্ৰত অভিনয় কৰিছে ফাতিমা ছানা শ্বেইখে । এই ছবিখন ২০২৩ চনৰ ১ ডিচেম্বৰত ছবিগৃহত মুক্তি পাব ।
লগতে পঢ়ক: Sam Bahadur Poster: নতুন পোষ্টাৰৰ সৈতে ট্ৰেইলাৰ মুক্তিৰ তাৰিখ ঘোষণা বিকি কৌশলৰ ছেম বাহাদুৰৰ
