চিটাৰা ডেস্ক, 3 আগষ্ট: মুকলি হ’ল বলীউড অভিনেতা অক্ষয় কুমাৰৰ আটাইতকৈ প্ৰত্যাশিত ছবি ‘Oh My God 2’ৰ ট্ৰেইলাৰ । ২ আগষ্টত ট্ৰেইলাৰ মুকলি হ’ব লাগিছিল যদিও কলা নিৰ্দেশক নীতিন দেশাইৰ মৃত্যুৰ বাবে নিৰ্মাতাই এই সিদ্ধান্ত পিছুৱাই দিয়ে । এতিয়া আজি মুকলি হ’ল ছবিখনৰ ট্ৰেইলাৰ ৷ অক্ষয় কুমাৰক OMG 2 ত শিৱ গণৰ ৰূপত দেখা গৈছে । এইখিনিতে উল্লেখ কৰিব লাগিব যে যোৱা কেইবাদিনে ছবিখনক লৈ চলি আছিল বিতৰ্ক । অৱশ্যে চেন্সৰ ব’ৰ্ডে ছবিখনত সলনি কৰিছে কেইবাটাও দৃশ্য ৷ ইয়াৰ পিচত অক্ষয় কুমাৰক শিৱ ৰূপত নহয় বৰঞ্চ ছবিখনত শিৱ গণৰ ৰূপত দেখুওৱা হৈছে ।
- " class="align-text-top noRightClick twitterSection" data="">
OMG 2 ৰ ট্ৰেইলাৰ ছ’চিয়েল মিডিয়াত শ্বেয়াৰ কৰিছে অক্ষয় কুমাৰে । এটা ভিডিঅ’ শ্বেয়াৰ কৰি অক্ষয়ে লিখিছে অভ্যৰ্থনাৰ প্ৰস্তুতি আৰম্ভ কৰক, অহা ১১ আগষ্টত আহি আছে ডম্বৰুধাৰী । ট্ৰেইলাৰত শিৱভক্ত পংকজ ত্ৰিপাঠীক ৰক্ষা কৰিবলৈ শিৱৰ ৰূপত আহে অক্ষয় কুমাৰ । ট্ৰেইলাৰত দেখুওৱা হৈছে যে এখন বিদ্যালয়ত সৃষ্টি হোৱা পৰিস্থিতিৰ বাবে পংকজ ত্ৰিপাঠীৰ পুত্ৰই আত্মহত্যাৰ চেষ্টা কৰে, তাৰ পিচত পংকজ ত্ৰিপাঠীয়ে বিদ্যালয়খনৰ বিৰুদ্ধে গোচৰ ৰুজু কৰে । বিদ্যালয়ৰ হৈ এই গোচৰৰ যুঁজ দিয়ে অধিবক্তা য়ামি গৌতমে । এনে পৰিস্থিতিত অক্ষয় কুমাৰে শিৱ ৰূপত আহি পংকজ ত্ৰিপাঠীক সহায় কৰে ।
A প্ৰমাণপত্ৰ লাভ কৰিছে OMG 2 য়ে
অক্ষয় কুমাৰক OMG 2 ত ভগৱান শিৱৰ ৰূপত দেখুওৱাৰ বাবে সৃষ্টি হৈছিল তীব্ৰ বিতৰ্কৰ । ছবিখনৰ বহু দৃশ্য সালসলনি কৰিছে মেকাৰে, এতিয়া ট্ৰেইলাৰত অক্ষয় কুমাৰক শিৱৰ ৰূপত নহয় শিৱগণৰ ৰূপত দেখুওৱা হৈছে । চেন্সৰ ব’ৰ্ডে ছবিখনৰ পৰা বহু দৃশ্য কাটিবলৈ নিৰ্দেশনা দিছিল ৷ এতিয়া সালসলনিৰ পিচত A চাৰ্টিফিকেট লৈ মুক্তি লাভ কৰিব ছবিখন ।
OMG 2 হৈছে OMG ৰ ছিকুৱেল
উল্লেখ্য যে, অক্ষয় কুমাৰৰ ছবি Oh My God অৰ্থাৎ OMG 2012 চনত আহিছিল । ছবিখনত অক্ষয়ক ভগৱান কৃষ্ণৰ চৰিত্ৰত দেখুওৱা হৈছিল । এইবাৰ পৰিচালক অমিত ৰায়ৰ OMG 2 ত মুখ্য চৰিত্ৰত অভিনয় কৰিছে অক্ষয় কুমাৰে । একে সময়তে পংকজ ত্ৰিপাঠী আৰু য়ামী গৌতমেও গুৰুত্বপূৰ্ণ ভূমিকা পালন কৰি আছে ছবিখনত । পংকজ ত্ৰিপাঠী শিৱভক্ত হোৱাৰ বিপৰীতে য়ামী অধিবক্তাৰ চৰিত্ৰত অভিনয় কৰিছে ।
