চিটাৰা ডেস্ক, 7 অক্টোবৰ: গ্ল’বেল আইকন নোৰা ফাতেহীয়ে গৌৰাৱান্বিত কৰিলে ভাৰত বাসীক ৷ নোৰা বুলিলেই সকলোৰে মনলৈ আহে নৃত্য ৷ ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত আচৰিত নৃত্য ভংগীমাৰ বাবে পৰিচিত নোৰা ফাতেহী । শেহতীয়াকৈ নোৰাই আকৌ এবাৰ বিশ্বৰ মানচিত্ৰত ভাৰতৰ নাম পঞ্জীয়ন কৰিছে । হলীউড তাৰকা জেনিফাৰ লোপেজৰ পিছত শ্বাকিৰা আৰু এতিয়া গ্ল’বেল আইকন নোৰা ফাতেহীয়ে ফিফা (FIFA 2022) বিশ্বকাপত অনুষ্ঠান পৰিৱেশন কৰিবলৈ ওলাইছে ।
ডিচেম্বৰত হ’বলগীয়া ফিফা ৱৰ্ল্ডকাপত তেওঁ অনুষ্ঠান পৰিৱেশন কৰিব । নোৰাৰ এই খবৰে আনন্দিক কৰি তুলিছে অনুৰাগীক ৷ আনহাতে বিশ্বৰ মঞ্চত ভাৰত আৰু দক্ষিণ-পূব এছিয়াক প্ৰতিনিধিত্ব কৰা একমাত্ৰ অভিনেত্ৰী হিচাপে পৰিগণিত হৈছে নোৰা । ইয়াৰ পূৰ্বে ফিফা ৱৰ্ল্ডকাপত শ্বাকিৰা আৰু জেনিফাৰ লোপেজে অনুষ্ঠান পৰিৱেশন কৰিছিল । ফিফাৰ মিউজিক ভিডিঅ’ত অন্তৰ্ভূক্ত হোৱা পৰৱৰ্তী শিল্পী নোৰা ফাতেহীক এইবাৰৰ ফিফাৰ মঞ্চত নৃত্য কৰা দেখিবলৈ পোৱা যাব (Nora Fatehi news) ।
নোৰাই যি গীতত নৃত্য পৰিবেশন কৰিব সেই গীতটোৰ ৰচনা কৰিছে বিশ্ববিখ্যাত সংগীত প্ৰযোজক ৰেডনে, বিশ্বৰ অন্যতম বিখ্যাত সংগীত প্ৰযোজক । বিগত সময়ছোৱাত ৰেডনে ফিফাৰ গান যেনে শ্বাকিৰাৰ ৱাকা ৱাকা, লা লা লা আদি গীততো কাম কৰি অনুৰাগীক মুহিবলৈ সক্ষম হৈছিল ।
উল্লেখযোগ্য যে ফিফাৰ উদ্বোধনী আৰি সামৰণি দুয়োটা অনুষ্ঠান দুয়োটাতে নোৰাই নৃত্য পৰিৱেশন কৰিব (Nora Fatehi to preform at FIFA world cup 2022)। ইয়াৰ বাবে তেওঁ চুক্তিবদ্ধ হৈছে ৷ ই যিকোনো এজন শিল্পীৰ বাবে বিৰল তথা গৌৰৱৰ বিষয় । সংবাদ মাধ্যমৰ খবৰবোৰ বিশ্বাস কৰিবলৈ হ’লে উদ্বোধনী অনুষ্ঠানত নোৰাক এটা জনপ্ৰিয় হিন্দী গীতত নৃত্য কৰা দেখিবলৈ পোৱা যাব ।
কৰ্মক্ষেত্ৰৰ কথা ক’বলৈ গ’লে নোৰাক বৰ্তমান টিভি শ্ব’ ঝলক দিখলা যাত বিচাৰক হিচাপে দেখা গৈছে । ইয়াৰ উপৰিও নোৰাই সিদ্ধাৰ্থ আৰু অজয় দেৱগণৰ ‘থেংক গড’ ছবিখনতো নৃত্য কৰিছে ।
লগতে পঢ়ক : Deepika Padukone on racism,হলীউডত বৰ্ণবাদৰ সন্মুখীন হৈছিল দীপিকা পাডুকন
