চিটাৰা ডেস্ক, 22 ডিচেম্বৰ : অভিনেত্ৰী নয়নতাৰা আৰু মালবিকা মোহনন দুয়ো দক্ষিণৰ শীৰ্ষ আৰু হিট অভিনেত্ৰী সকলৰ ভিতৰত অন্যতম । বৰ্তমান এই দুয়ো অভিনেত্ৰী এটা মন্তব্যৰ বাবে বাতৰিৰ শিৰোনামত আছে । শেহতীয়াকৈ দিয়া এক সাক্ষাৎকাৰত নয়নতাৰাই মালবিকা মোহননক তেওঁৰ এটা সাক্ষাৎকাৰৰ বাবে সমালোচনাত্মকভাৱে প্ৰত্যুত্তৰ দিছে (Nayanthara Malavika Mohanan fight)।
- " class="align-text-top noRightClick twitterSection" data="">
অভিনেত্ৰী মালবিকা মোহননে এটা সাক্ষাৎকাৰত কৈছিল এগৰাকী জনাজাত অভিনেত্ৰীয়ে এখন ছবিত হাস্পতালৰ মৃত্যু হোৱা দৃশ্যাংশত সম্পূৰ্ণ মেকআপত আছিল ৷ ই কেনেকৈ সম্ভৱ হ’ব পাৰে ! চিনেমা হ’লেও কিছু কিছু ক্ষেত্ৰত সঁচা কথা দেখুওৱা উচিত ৷ এই মন্তব্য দিয়াৰ সময়ত মালবিকাই কোনো তাৰকাৰ নাম লোৱা নাছিল ৷
- " class="align-text-top noRightClick twitterSection" data="
">
সেই ভিডিঅ’টো সন্দৰ্ভত এতিয়া নয়নতাৰাই কৈছে যে ছ’চিয়েল মিডিয়াত তেওঁ নাথাকিলেও ছ’চিয়েল মিডিয়াত তেওঁক লৈ কি কি চলি থাকে এই বিষয়ে জ্ঞাত হৈ থাকে ৷ অৱশ্যে প্ৰত্যুত্তৰ দিয়াৰ সময়ত নয়নতাৰাইয়ো মালবিকাৰ নাম নোলোৱাকৈয়ে কয় যে ‘এটা সাক্ষাৎকাৰ দেখিলোঁ, তেওঁ মোৰ নাম লোৱা নাছিল কিন্তু মোকেই আঙুলিয়াই কৈছিল । তেওঁ কয় যে হাস্পতালৰ দৃশ্য এটাত মই চুলিখিনি অক্ষত অৱস্থাত ৰাখি সম্পূৰ্ণ মেকআপ কৰি আছিলো ।
- " class="align-text-top noRightClick twitterSection" data="">
মালবিকালৈ টোঁৱাই নয়নতাৰাই আৰু কয় যে, ‘যেতিয়া আপুনি বাস্তৱিক ছবি এখন কৰি থাকে তেতিয়া ই ব্যৱসায়িক ছবিৰ পৰা পৃথক আৰু দুয়োৰে মাজত ডাঙৰ পাৰ্থক্য থাকে । যেতিয়া আপুনি বাস্তৱিক ছবি এখন কৰি আছে তেতিয়া আপুনি এটা এটা অংশ প্ৰকৃতভাৱে উপস্থাপন কৰিবলৈ যৎপৰোনাস্তি চেষ্টা কৰে ।
- " class="align-text-top noRightClick twitterSection" data="
">
কিন্তু, এই উদাহৰণটো আছিল এখন বাণিজ্যিক ছবিৰ...আৰু বাণিজ্যিক ছবিৰ ক্ষেত্ৰত ই বেলেগ ৷ মই কৰা লুকটোৰ সন্দৰ্ভত মোৰ পৰিচালকে মোক তেনেকৈে থাকিবলৈ কৈছিল’ ৷ অভিনেত্ৰীগৰাকীয়ে লগতে কয় যে প্ৰয়োজনৰ সময়ত আপুনি প্ৰয়োজন অনুসৰি বাস্তৱবাদী হৈ পৰে ।
লগতে পঢ়ক : পূজা হেগড়েৰ শেহতীয়া ফটোৱে মুগ্ধ কৰিছে সকলোকে
