চিটাৰা ডেস্ক, 23 আগষ্ট: এটা কোঠাৰ বেৰত আঁৰি থোৱা কেইবা ডজন কিন্নৰৰ ফটো, ৰঙা শাৰী পৰিধান কৰা নৱাজুদ্দিন ছিদ্দিকীৰ হাতত চোকা দা, মূৰ তল কৰি সন্মুখত বহি থকা এজন ব্যক্তি আৰু শক্তিশালী সংলাপ । এইদৰেই আৰম্ভ হয় হাড্ডি চিনেমাখনৰ ২.২৫ ছেকেণ্ডৰ ট্ৰেইলাৰ ।
- " class="align-text-top noRightClick twitterSection" data="">
বহু দিনৰ পৰা অনুৰাগীয়ে অপেক্ষা কৰি আছিল নৱাজুদ্দিন ছিদ্দিকীৰ এই ছবিখনৰ বাবে ৷ ইয়াৰ প্ৰথম লুক অহাৰ পিচৰ পৰাই অনুৰাগীয়ে ছবিখনৰ বাবে আগ্ৰহেৰে বাট চাই আছিল । এতিয়া অন্ত পৰিল অনুৰাগীৰ অপেক্ষাৰ ৷ ট্ৰেইলাৰৰ লগতে অৱশেষত ইয়াৰ মুক্তিৰ তাৰিখো আহিল ।
ট্ৰেইলাৰটোৰ আৰম্ভণিতে নৱাজুদ্দিন ছিদ্দিকীৰ শক্তিশালী সংলাপত তেওঁ কৈছে, "আমাৰ আশীৰ্বাদ অতি শক্তিশালী আৰু আমাৰ অভিশাপ অতি ভয়ংকৰ আৰু তাতোকৈ ভয়ংকৰ, আপুনি জানেনে কি ? সেয়া হৈছে আমাৰ প্ৰতিশোধ ।"
ট্ৰেইলাৰত দেখুওৱা হৈছে যে কেনেকৈ নৱাজুদ্দিন ছিদ্দিকী কিন্নৰ হৈ পৰে আৰু তেওঁৰ জীৱন সলনি হয় । বিশেষ কথাটো হ’ল অনুৰাগ কাশ্যপো এই ছবিখনত আছে । ইয়াৰ উপৰিও ছবিখনত মহম্মদ জীছান আয়ুব আৰু ইলা অৰুণৰ দৰে অভিনেতাও আছে । ছবিখনত অনুৰাগক খলনায়ক হিচাবে দেখা পোৱাৰ বিপৰীতে কিন্নৰ হিচাপে নৱাজুদ্দিনে তেওঁৰ প্ৰতিশোধ লোৱা দেখা গৈছে ।
