চিটাৰা ডেস্ক, 24 আগষ্ট: ভাৰতীয় চিনেমাত ২০২৩ চনৰ সৰ্বোচ্চ ৰাষ্ট্ৰীয় চলচ্চিত্ৰ বঁটা আজি সন্ধিয়া ৫ বজাত ঘোষণা কৰা হ’ব ৷ এইবাৰ ২০২৩ চনৰ ৬৯ সংখ্যক ৰাষ্ট্ৰীয় চলচ্চিত্ৰ বঁটাৰ দৌৰত আছে কংগনা ৰানাৱট, আলিয়া ভাট আৰু জোজু জৰ্জ । ইয়াৰ বাহিৰেও এইবাৰ দক্ষিণৰ বহু ছবিয়ে এই বঁটা লাভ কৰিব পাৰে । আজি সন্ধিয়া ৫ বজাত বিজয়ী সকলৰ নাম ঘোষণা কৰা হ’ব। ৰাষ্ট্ৰীয় চলচ্চিত্ৰ বঁটা কেতিয়া আৰু ক’ত লাইভ চাব পাৰি সেয়া জানি লওক এই প্ৰতিবেদনত ৷
কেতিয়া আৰম্ভ হৈছিল ?
কোৱা হয় যে ১৯৫৪ চনত প্ৰথমবাৰৰ বাবে ৰাষ্ট্ৰীয় চলচ্চিত্ৰ বঁটা বিতৰণ কৰা হয় । ভাৰতৰ ৰাষ্ট্ৰপতিয়ে এই বঁটাৰে সন্মানিত কৰে ।
কিয় দিয়া হয় এই বঁটা ?
ফিচাৰ, নন-ফিচাৰ আৰু চিনেমাৰ শ্ৰেষ্ঠ লেখা তিনিটা শাখাত ৰাষ্ট্ৰীয় চলচ্চিত্ৰ বঁটা প্ৰদান কৰা হয় । এই সন্মান দিয়াৰ অৰ্থ হ’ল দেশত চলচ্চিত্ৰ নিৰ্মাণৰ প্ৰচাৰ । জুৰীয়ে বিজয়ীৰ তালিকা প্ৰস্তুত কৰে।
প্ৰথম পুৰস্কাৰ কোনে লাভ কৰিছিল ?
উল্লেখ্য যে, বলীউডৰ অভিনেতা সঞ্জয় দত্তৰ মাতৃ নাৰ্গিছ দত্তই শ্ৰেষ্ঠ অভিনেত্ৰীৰ বাবে আৰু উত্তম কুমাৰে শ্ৰেষ্ঠ অভিনেতাৰ বাবে প্ৰথম ৰাষ্ট্ৰীয় বঁটা লাভ কৰিছিল ।
২০২২ চনৰ ৰাষ্ট্ৰীয় চলচ্চিত্ৰ বঁটা কোনে লাভ কৰিছিল ?
যোৱা বছৰ এই বঁটা অজয় দেৱগন আৰু দক্ষিণৰ অভিনেতা সূৰ্যই শ্ৰেষ্ঠ অভিনেতাৰ বঁটা লাভ কৰিছিল ৷ অজয়ক এই বঁটা প্ৰদান কৰা হৈছিল তনহাজী ছবিৰ বাবে আৰু সূৰ্যক ছুৰাৰাই পট্ৰু ছবিৰ বাবে প্ৰদান কৰা হৈছিল এই বঁটা । একে সময়তে ছুৰাৰাই পট্ৰুৰ অভিনেত্ৰী অপৰ্ণা বালামুৰালীয়ে শ্ৰেষ্ঠ অভিনেত্ৰীৰ এই বঁটা লাভ কৰে । ছুৰাৰাই পট্ৰুৱে শ্ৰেষ্ঠ বৈশিষ্ট্যপূৰ্ণ ছবিৰ বঁটাও লাভ কৰে।
কেতিয়া ক’ত চাব পাৰিব LIVE ?
উল্লেখ্য যে, আজি সন্ধিয়া ৫ বজাৰ পৰা PIB ৰ ফেচবুক পেজ আৰু ইউটিউব চেনেলত ৬৯ সংখ্যক চলচ্চিত্ৰ বঁটা লাইভ চাব পাৰিব । একে সময়তে পিআইবিৰ এক্সৰ অফিচিয়েল চাইটতো (পূৰ্বৰ টুইটাৰ) চাব পাৰিব ।
লগতে পঢ়ক: Filmfare Awards 2023: কোনে কোনে লাভ কৰিলে ২০২৩ চনৰ ফিল্মফেয়াৰ এৱাৰ্ড ? সম্পূৰ্ণ বিজয়ীৰ তালিকা চাওক
