চিটাৰা ডেস্ক, ১৫ জানুৱাৰী : অহা ২২ জানুৱাৰীত অনুষ্ঠিত হ’ব ৰাম মন্দিৰৰ প্ৰাণ প্ৰতিষ্ঠা অনুষ্ঠান । এই ঐতিহাসিক দিনটোৰ বাবে বহু বছৰ ধৰি সকলোৱে অপেক্ষা কৰি আছিল ৷ বৰ্তমান ৰাম মন্দিৰৰ প্ৰাণ প্ৰতিষ্ঠা কাৰ্যসূচীৰ বাবে সমগ্ৰ দেশতে এক সুখৰ জোৱাৰ দেখা গৈছে ৷ ৰাম নগৰী অযোধ্যাত অনুষ্ঠিত হ’বলগীয়া ৰাম মন্দিৰৰ উদ্বোধনী অনুষ্ঠানত কেৱল ৰাজনীতিবিদেই নহয়, চিনেমা জগতৰ বহু ডাঙৰ ব্যক্তিত্বকো আমন্ত্ৰণ জনোৱা হৈছে। এতিয়া মংগেশকাৰ পৰিয়ালৰ নামো এই তালিকাত অন্তৰ্ভুক্ত কৰা হৈছে ।
-
Mangeshkar family received an invitation to attend the 'pran pratishtha' ceremony of Ram Temple on January 22nd in Ayodhya. pic.twitter.com/blqbTvrluS
— ANI (@ANI) January 15, 2024 " class="align-text-top noRightClick twitterSection" data="
">Mangeshkar family received an invitation to attend the 'pran pratishtha' ceremony of Ram Temple on January 22nd in Ayodhya. pic.twitter.com/blqbTvrluS
— ANI (@ANI) January 15, 2024Mangeshkar family received an invitation to attend the 'pran pratishtha' ceremony of Ram Temple on January 22nd in Ayodhya. pic.twitter.com/blqbTvrluS
— ANI (@ANI) January 15, 2024
লতা মংগেশকাৰৰ পৰিয়াললৈ নিমন্ত্ৰণ পত্ৰ প্ৰেৰণ
প্ৰয়াত লতা মংগেশকাৰৰ পৰিয়ালে আজি অৰ্থাৎ সোমবাৰে ৰাম মন্দিৰ উদ্বোধনী অনুষ্ঠানৰ বাবে নিমন্ত্ৰণ লাভ কৰিছে । এই নিমন্ত্ৰণী পত্ৰ লাভ কৰিছে লতা মংগেশকাৰৰ ভগ্নী তথা বলীউডৰ প্ৰবীণ গায়িকা আশা ভোছলেই । যাৰ ফটো এতিয়া ছ’চিয়েল মিডিয়াত প্ৰকাশ পাইছে । ফটোসমূহত ৰাম মন্দিৰৰ অনুষ্ঠানৰ নিমন্ত্ৰণ পোৱাৰ পিচত কণ্ঠশিল্পীগৰাকীক অতি সুখী হোৱা দেখা গৈছে । ইফালে কণ্ঠশিল্পী চনু নিগমেও এই শুভ ক্ষণৰ বাবে নিমন্ত্ৰণ পত্ৰ লাভ কৰিছে। ইয়াৰ ফটোও তেওঁ ছ’চিয়েল মিডিয়াত শ্বেয়াৰ কৰিছে ।
মংগেশকাৰ পৰিয়ালৰ উপৰিও ৰাম মন্দিৰ উদ্বোধনী অনুষ্ঠানৰ নিমন্ত্ৰণ পত্ৰ লাভ কৰিছে বলীউডৰ জনপ্ৰিয় দম্পতী আলিয়া ভাট আৰু ৰণবীৰ কাপুৰে । ইয়াৰ ছবিও ছ’চিয়েল মিডিয়াত ভাইৰেল হৈ পৰিছিল । আনকি ৰণদ্বীপ হুড্ডা আৰু লিন লাইশ্ৰমেও আমন্ত্ৰণ লাভ কৰিছে ।
ৰাম মন্দিৰ উদ্বোধনী কাৰ্যসূচীত দেখা যাব এইসকল তাৰকাক
বলীউডৰ প্ৰবীণ অভিনেতা অনুপম খেৰ, কংগনা ৰানাৱত, অমিতাভ বচ্চন, টাইগাৰ শ্ৰফ, মাধুৰী দীক্ষিত আৰু অজয় দেৱগনেও ৰাম মন্দিৰৰ প্ৰাণ প্ৰতিষ্ঠাৰ আমন্ত্ৰণ পত্ৰ লাভ কৰিছে ।
টিভি তাৰকাসকলেও লাভ কৰিছে নিমন্ত্ৰণ পত্ৰ
সৰু পৰ্দা অৰ্থাৎ টিভিৰ জগতৰ বহু তাৰকাইও এই অনুষ্ঠানৰ বাবে লাভ কৰিছে নিমন্ত্ৰণ পত্ৰ ৷ ইয়াৰ বাবে টিভিৰ 'ৰাম' আৰু 'সীতা' অৰ্থাৎ অৰুণ গোভিল আৰু দীপিকা চিখলিয়ালৈও নিমন্ত্ৰণ প্ৰেৰণ কৰা হৈছে । উল্লেখ্য যে, এই অনুষ্ঠানত ৪০০০ সাধু আৰু সন্তকে ধৰি দেশৰ বিভিন্ন প্ৰান্তৰ পৰা প্ৰায় ৭০০০ অতিথিয়েও এই শুভ অনুষ্ঠানৰ বাবে নিমন্ত্ৰণ লাভ কৰিছে ।
এইসকল দক্ষিণৰ তাৰকাকো দেখা যাব প্ৰাণ প্ৰতিষ্ঠাত
বলীউডৰ উপৰিও ৰাম মন্দিৰ উদ্বোধনৰ বাবে দক্ষিণ ভাৰতৰ চেলিব্ৰিটিলৈ নিমন্ত্ৰণ পত্ৰ প্ৰেৰণ কৰা হৈছে । এই তালিকাত ৰাম চৰণ, প্ৰভাস, চিৰঞ্জীৱী, যশ, ঋষভ শেট্টী, মোহনলাল ৰজনীকান্ত, ধনুশ আদি বহু ডাঙৰ তাৰকাৰ নাম সন্নিবিষ্ট কৰা হৈছে । আনকি শচীন তেণ্ডুলকাৰ আৰু বিৰাট কোহলীকো আমন্ত্ৰণ জনোৱা হৈছে ।
লগতে পঢ়ক: ৰাম মন্দিৰ উদ্বোধনী অনুষ্ঠানত উপস্থিত থাকিব বলীউডৰ পৰা টলীউডলৈকে এইসকল তাৰকা...
