চিটাৰা ডেস্ক, 5 মে’: ব্লকবাষ্টাৰ বলীউড ছবি ‘দংগল’ ফেম অভিনেত্ৰী সন্যা মালহোত্ৰাৰ কোনো সুকীয়া পৰিচয়ৰ প্ৰয়োজন নাই । আগন্তুক সময়ত সন্যা মালহোত্ৰাক দেখা পোৱা যাব ‘কঁঠাল’ ছবিত । এই ছবিখনৰ শিৰোনামে অনুৰাগীৰ মাজত বৃদ্ধি কৰিছে উত্তেজনা । বৃহস্পতিবাৰে মুকলি হৈছে ছবিখনৰ ধেমেলীয়া ট্ৰেইলাৰ (Sannya Malhotra Kathal Trailer Out Now) ৷ য’ত আৰক্ষী পৰিদৰ্শকৰ চৰিত্ৰত অভিনেত্ৰী সন্যা মালহোত্ৰাই কঁঠালৰ সন্ধানত থকা দেখা গৈছে (Kathal Trailer Released) ।
সন্যা ছবি ‘কঁঠাল’ৰ ট্ৰেইলাৰ
বৃহস্পতিবাৰে অ’টিটি প্লেটফৰ্ম নেটফ্লিক্স ইণ্ডিয়াই নিজৰ অফিচিয়েল ইউটিউব চেনেলত ‘কঁঠাল’ ছবিখনৰ ট্ৰেইলাৰ মুকলি কৰিছে (Sanya Malhotra)। ‘কঁঠাল’ ছবিখনৰ ট্ৰেইলাৰত দেখা পোৱা যায় যে মন্ত্ৰীৰ ঘৰৰ পৰা দুটা কঁঠাল চুৰি হৈছে । যাৰবাবে মন্ত্ৰীগৰাকীয় আৰক্ষী থানাত দাখিল কৰে এজাহাৰ ৷ মন্ত্ৰীৰ ঘৰৰ পৰা যিহেতু কঁঠাল চুৰি হৈছে গতিকে আৰক্ষীয়ে এই সন্দৰ্ভত ব্যৱস্থা গ্ৰহণ নকৰিনো কেনেকৈ থাকিব (Kathal Trailer) ৷
- " class="align-text-top noRightClick twitterSection" data="">
মন্ত্ৰীগৰাকীৰ ঘৰৰ পৰা চুৰি হোৱা দুটা ‘কঁঠাল’ৰ তদন্ত অব্যাহত ৰাখিছে আৰক্ষী পৰিদৰ্শকৰ চৰিত্ৰত অভিনয় কৰা সন্যা মালহোত্ৰাই (Sanya Malhotra)। উল্লেখ্য যে এই কমেডী ছবিখনৰ মূল কাহিনী এই দুটা কঁঠালক লৈয়ে নিৰ্মিত ৷ ২ মিনিট ২৯ ছেকেণ্ডৰ ‘কঁঠাল’ৰ এই ট্ৰেইলাৰটোত আপুনি এটাতকৈ অধিক কমেডী ডাইলগ দেখিবলৈ পাব ৷
কেতিয়া মুক্তি পাব কঁঠাল ?
অ’টিটি প্লেটফৰ্ম নেটফ্লিক্সত মুক্তি পাব সন্যা মালহোত্ৰাৰ অভিনীত ছবি ‘কঁঠাল’ (Kathal) । ১৯ মে’ত ‘কঁঠাল’ ছবিখনৰ অনলাইন ষ্ট্ৰীমিং নেটফ্লিক্সত কৰা হ’ব । সন্যা মালহোত্ৰাৰ উপৰিও এই ছবিখনত বলীউডৰ জনপ্ৰিয় অভিনেতা ৰাজপাল যাদৱ (Rajpal Yadav) আৰু বিজয় ৰাজেও (Vijay Raaz) মুখ্য চৰিত্ৰত অভিনয় কৰিছে । আনহাতে ‘কঁঠাল’ ছবিখনৰ পৰিচালনা কৰিছে হিন্দী ছবিৰ জনপ্ৰিয় চলচ্চিত্ৰ নিৰ্মাতা যশোবৰ্ধন মিশ্ৰই।
ইফালে কঁঠাল ছবিখনৰ ট্ৰেইলাৰ মুক্তিৰ 18 ঘন্টা পিচতে সাত লাখৰো অধিক ভিউজ লাভ কৰে ৷
লগতে পঢ়ক: Dahaad Trailer: সোণাক্ষী সিনহাৰ ‘দহাদ’ৰ গাৰ নোম শিয়ঁৰি উঠা ট্ৰেইলাৰ মুকলি
