চিটাৰা ডেস্ক, ২৭ আগষ্ট: ইতিহাসৰ পৃষ্ঠাত স্মৰণীয় হৈ থাকিব ২৩ আগষ্টৰ দিনটো ৷ কাৰণ এই দিনটোতে ভাৰতে ৰচনা কৰিছে ইতিহাস ৷ চন্দ্ৰযান-৩ চন্দ্ৰ অভিযানে চন্দ্ৰৰ দক্ষিণ মেৰুত সফলতাৰে ছফ্ট লেণ্ডিং কৰি ৰচিলে ইতিহাস । এতিয়া সমগ্ৰ দেশে উদযাপন কৰিছে চন্দ্ৰযান ৩ৰ সফলতা ।
ইফালে বলীউডৰ কুইন কংগনা ৰানাৱটে এই মিছনত কাম কৰি থকা ভাৰতীয় মহাকাশ গৱেষণা সংস্থা (ইছৰ’)ক প্ৰশংসা কৰি এটা পোষ্ট শ্বেয়াৰ কৰিছে । যিটো পোষ্ট সকলোৰে হৃদয় চুই গৈছে। এই মিছনত কাম কৰা বিজ্ঞানীসকলৰ এখন ছবি শ্বেয়াৰ কৰি অভিনেত্ৰীগৰাকীয়ে তেওঁলোকৰ সৰলতাক প্ৰশংসা কৰে আৰু তেওঁলোকক সৰল জীৱন-যাপনৰ সৈতে উচ্চ চিন্তা বুলি অভিহিত কৰে ।
কংগনাই এটা বিশেষ পোষ্ট শ্বেয়াৰ কৰিছে
কংগনা ৰানাৱটে নিজৰ অফিচিয়েল ইনষ্টাগ্ৰাম একাউণ্টত এটা বিশেষ পোষ্ট শ্বেয়াৰ কৰিছে । য’ত চন্দ্ৰযান ৩ মিছনত কাম কৰা বিজ্ঞানীসকলৰ মুখত সফলতাৰ সুখ স্পষ্টকৈ দেখা যায় । ইয়াৰ সমান্তৰালকৈ কেমেৰাৰ সন্মুখত পোজ দি সকলোৱে হাঁহিছে । এই ছবিখনৰ বিশেষ কথাটো হ’ল এই আটাইকেইগৰাকী ইছৰ’ত কৰ্মৰত মহিলা বিজ্ঞানী । যিসকলে শাৰী পৰিধান কৰিছে আৰু কপালত বিন্দী লৈ ইছৰ’ চেণ্টাৰত উপস্থিত আছে ।
এই ফটোখন শ্বেয়াৰ কৰি কংগনাই লিখিছে, ‘‘ভাৰতৰ আগশাৰীৰ বিজ্ঞানীসকল বিন্দী, সেন্দুৰ আৰু মংগলসূত্ৰৰ সৈতে। সহজ জীৱন আৰু উচ্চ চিন্তাৰ প্ৰতীক । ভাৰতীয়ত্বৰ প্ৰকৃত সাৰমৰ্ম ।’’ এই বাৰ্তাৰ সৈতে কংগনাই জাতীয় পতাকাৰ তিনিটা ইমোজি শ্বেয়াৰ কৰিছে ।
এই ছবিবোৰত দেখা যাব কংগনাক
কংগনা ৰানাৱটৰ ৱৰ্ক ফ্ৰণ্টৰ কথা ক’বলৈ গ’লে অতি সোনকালে অভিনেত্ৰীগৰাকীক পি বাসুৰ পৰিচালনাত নিৰ্মিত ‘চন্দ্ৰমুখী ২’ ছবিখনত দেখা যাব । যিখন ব্লকবাষ্টাৰ তামিল হৰৰ ছবি ‘চন্দ্ৰমুখী’ৰ ছিকুৱেল । ইয়াৰ উপৰিও অতি সোনকালে তেজছ আৰু ইমাৰ্জেন্সিতো দেখা যাব অভিনেত্ৰীগৰাকীক ।
লগতে পঢ়ক: Billion hearts praying for you: এইসকল তাৰকাইও চন্দ্ৰযান-৩ লৈ শুভেচ্ছা জ্ঞাপন কৰি ক’লে এনেদৰে
